Fréttasafn

Soffía S. Egilsdóttir ráðin sem umboðsmaður íbúa og aðstandanda Hrafnistu

Lesa meira...

 

Soffía S. Egilsdóttir hefur verið ráðin í nýja stöðu á Hrafnistu sem ber heitið Umboðsmaður íbúa og aðstandanda. Í þessu starfi felst að samræma upplýsingagjöf til íbúa og aðstandanda, við innlögn, um þá þjónustu sem Hrafnista veitir sem og önnur ráðgjöf og fræðsla sem ástæða þykir til.

Soffía hefur starfað hjá Hrafnistu í næstum 20 ár. Hún var 16 ár í framkvæmdastjórn Hrafnistu og hefur síðastliðin 3 ár starfað við fræðslu og ráðgjöf innan Hrafnistuheimilanna. Hún hefur verið varaformaður Öldrunarráðs Íslands og formaður FAAS (félag aðstandenda alzheimersjúklinga). Soffía er með meistaragráðu í öldrunarfélagsráðgjöf.

Umboðsmaður íbúa og aðstandenda mun tilheyra heilbrigðissviði Hrafnistu.

 

Lesa meira...

Myndir frá haustfögnuði Hrafnistu Kópavogi

Lesa meira...

 

Haustfagnaður Hrafnistu Kópavogi fór fram í gærkvöldi, miðvikudaginn 31. október.

Íbúar höfðu beðið spenntir eftir kvöldinu og mikil gleði einkenndi kvöldin og dagana á undan. Alls tóku um 160 manns þátt í gleðinni og heiðursgestur kvöldsins var Ármann Kr. Ólafsson bæjarstjóri Kópavogs og eiginkona hans.

Rebekka deildarstjóri hélt opnunarræðu og síðan tóku veislustjórar kvöldsins við, þau Svavar Knútur og Berta.

Eftir borðhaldið spilaði Sveinn Sigurjónsson fyrir dansi.

Fyrir hönd íbúa á Hrafnistu Kópavogi viljum við þakka öllum þeim sem gerðu kvöldið svo eftirminnilegt.

 

Meðfylgjandi myndir voru teknar á haustfögnuðinum í gær.

 

Lesa meira...

Haustfagnaður Hrafnistu í Kópavogi verður haldinn miðvikudaginn 31. október

Lesa meira...

 

Haustfagnaður Hrafnistu í Kópavogi verður haldinn miðvikudaginn 31. október og hefst hann með fordrykk kl. 17:30.

Verð fyrir gesti er kr. 4.500.- (nánari upplýsingar veitir starfsfólk á Hrafnistu Kópavogi).

Miðasala fer fram á skrifstofugangi á 2. hæð Boðans:

Mánudaginn 22. okt frá kl. 14:00-16:00

Þriðjudaginn 23. okt frá kl. 16:00-18:00

Eingöngu er tekið við reiðufé en einnig er hægt að greiða í gegnum heimabanka.

  

Sjá auglýsingu hér.

 

 

Lesa meira...

Vetrarhátíð Hrafnistu Reykjavík verður haldin fimmtudaginn 8. nóvember

Lesa meira...

 

Vetrarhátíð Hrafnistu Reykjavík verður haldin í Skálafelli fimmtudaginn 8. nóvember nk.

Hátíðin hefst með skemmtidagskrá kl. 17:00 og borðhald hefst kl. 18:00. Svavar Knútur og Berta Dröfn sjá um að syngja og skemmta gestum og verður skemmtuninni sjónvarpað á Hrafnisturásinni upp á deildar. Bragi Fannar harmonikkuleikari spilar undir borðhaldi í Skálafelli.

Skráning er til þriðjudagsins 6. nóvember og fer fram á skiptiborði 2. hæð kl. 10:00-16:00 alla virka daga.

 

Sjá auglýsingu hér

 

Lesa meira...

Kynning á leikföngum barna fyrr og nú fyrir íbúa og gesti Hrafnistu í Reykjavík

Lesa meira...

 

 

Félagasamtök JCI Esja kom í heimsókn á Hrafnistu í Reykjavík á dögunum. Ríkey Jóna Eiríksdóttir kom og kynnti verkefnið „Leggur og skel“ sem er kynning á leikföngum barna fyrr og nú. Með henni komu krakkar úr leikskólanum Sunnuás og sögðu frá leikföngum sem þau leika sér með. Þetta var mjög góð stund og gaman að fá svona flotta heimsókn. Ríkey bauð svo upp á veitingar og þökkum við henni og JCI Esju kærlega fyrir þessa skemmtilegu heimsókn.

 

 

 

Lesa meira...

Myndir frá haustfögnuði Hrafnistu Garðabæ - Ísafold

Lesa meira...

 

Í gærkvöldi fór fram haustfagnaður íbúa, ættingja og starfsfólks Hrafnistu í Garðabæ og þjónustumiðstöðvarinnar á Ísafold. Gunnar bæjarstjóri var heiðursgestur og Laddi fór á kostum sem  veislustjóri í ýmsum gervum og söng þess á milli mörg af sínum frægustu lögum.

Um 150 manns tóku þátt í gleðinni og snæddu dýrindis mat sem kokkar Hrafnistu sáu um að matreiða.

Eins og meðfylgjandi myndir sýna skemmti fólk sér konunglega, enda Laddi engum líkur.

 

 

Lesa meira...

Söngstundir Böðvars á Hrafnistu í Hafnarfirði

Lesa meira...

 

Söngstund „ala Böðvar“ er alla fimmtudaga kl. 14:00 í Menningarsalnum á 1. hæð Hrafnistu í Hafnarfirði. Dagskráin er send út í beinni útsendingu upp á hjúkrunardeildir fyrir þá heimilismenn sem ekki treysta sér að koma niður, svo allir geti tekið þátt.

Upptöku frá söngstundinni má skoða með því að smella á linkinn hér fyrir neðan:

https://www.facebook.com/handverksheimili/videos/926498120892520/

 

Lesa meira...

Síða 4 af 95

Til baka takki