Top header icons

Hrafnista á Workplace FacebookHrafnista á Facebook
 
 

Hvernig sæki ég um dvöl á Hrafnistu?

Svar: Til að byrja með þarf umsækjandi að vera með samþykkt færni- og heilsumat en umsókn um matið þarf að berast Færni- og heilsumatsnefnd á sérstöku eyðublaði sem hægt er að nálgast á vef Embættis landlæknis. Ekki er hægt að senda umsóknina rafrænt heldur verður að prenta hana út og koma til Færni- og heilsumatsnefndar. 
Hægt er að nálgast upplýsingar um umsóknarferlið með því að smella á slóðina hér fyrir neðan:
 
 

Hvernig sæki ég um hvíldarinnlögn á Hrafnistu?

Svar: Hægt er að sækja um hvíldarinnlögn með því að fara inn á heimasíðu Hrafnistu www.hrafnista.is Undir Rafræn eyðublöð>Hvíldarinnlögn má finna umsóknarform fyrir hvíldarinnlögn. Með hvíldarinnlögn er átt við tímabundna dvöl sem getur staðið í allt að 6 vikur á tólf manaða tímabili. Markmið þjónustunnar er að gera öldruðum kleift að búa lengur á eigin heimili með því að viðhalda og auka lífsgæði þeirra með markvissu starfi og með því að veita aðstandendum stuðning og ráðgjöf. Í hvíldarinnlögn njóta gestir allrar almennrar þjónustu sem Hrafnista býður íbúum heimilisins upp á. Þar með talið að taka þátt í almennu félagsstarfi og þeim viðburðum sem í boði eru. 
 

Hvernig sæki ég um dagdvöl á Hrafnistu?

Svar: Hægt er að sækja um dagdvöl með því að fara inn á heimasíðu Hrafnistu www.hrafnista.is Undir Rafræn eyðublöð>Dagdvöl má finna umsóknarform fyrir dagdvöl í Hrafnistu Boðaþingi (Kópavogi), Hrafnistu Hraunvangi (Hafnarfirði) og Hrafnistu Ísafold (Garðabæ). Dagdvölin er ætluð þeim sem búa heima en vilja nýta sér félagsstarf á Hrafnistu yfir daginn. Með dagdvölinni er mögulegt að lengja þann tíma sem aldraðir geta búið heima. Einstaklingar eru sóttir heim í leigubíl að morgni og fléttast inn í það skipulagða starf sem fram fer á Hrafnistu og eru síðan keyrðir aftur heim síðdegis. Mismunandi þarfir einstaklinganna ráða mestu um hversu mikið þeir nýta dagdvölina. Í dagdvöl er ekki boðið upp á sjúkra- og iðjuþjálfun á vegum dagdvalar. Þó er hægt er að sækja sjúkraþjálfun til sjálfstætt starfandi sjúkraþjáfa sem eru staðsettir á heimilunum ef beiðni frá lækni er til staðar.
 

Hvernig sæki ég um dagendurhæfingu á Hrafnistu?

Svar: Hægt er að sækja um dagendurhæfingu með því að fara inn á heimasíðu Hrafnistu www.hrafnista.is Undir Rafræn eyðublöð>Dagendurhæfing má finna umsóknarform fyrir dagendurhæfingu á Hrafnistu Laugarási (Reykjavík). Dagendurhæfing er endurhæfingardeild þar sem áhersla er lögð á líkamlega þjálfun og félagslega virkni. Dagendurhæfing er tímabundið úrræði oftast 8-10 vikur í senn og einstaklingar geta verið 3-5 daga vikunnar í þjálfun. Einstaklingar eru sóttir heim í leigubíl að morgni og keyrðir aftur heim síðdegis. Í dagendurhæfingu er lögð rík áhersla á styrkingu líkamlegra, andlegra og félagslegra þátta.
 

Er hægt að skoða heimilið?

Svar: Vinsamlegast athugið að þar sem Hrafnista er heimili þeirra sem þar dvelja er ekki hægt að skoða heimilið nema bóka fyrirfram tíma. Þeir sem óska eftir því að fá að skoða heimili er bent á að hafa samband við tengilið á viðkomandi heimili:
Hrafnista Laugarás Reykjavík
Tengiliður: Guðbjörg María Árnadóttir, símatími á virkum dögum milli kl. 11-12 í síma 585 9341 netfang This email address is being protected from spambots. You need JavaScript enabled to view it. 
Hrafnista Hraunvangur Hafnarfirði
Tengiliður: Lilja Björgvinsdóttir, sími 664 9494 netfang This email address is being protected from spambots. You need JavaScript enabled to view it. 
Hrafnista Boðaþing Kópavogi
Tengiliður: Anný Lára Emilsdóttir, sími 531 4010 eða í netfang This email address is being protected from spambots. You need JavaScript enabled to view it. 
Hrafnista Ísafold Garðabæ
Tengiliður: Lára Lárusdóttir, sími 535 2202 netfang This email address is being protected from spambots. You need JavaScript enabled to view it. 
Hrafnista Nesvellir Reykjanesbæ
Tengiliður: Sigríður Rós Jónatansdóttir, sími 664 9586 netfang This email address is being protected from spambots. You need JavaScript enabled to view it. 
Hrafnista Hlévangur Reykjanesbæ
Tengiliður: Helga Hjálmarsdóttir, sími 664 9589 netfang This email address is being protected from spambots. You need JavaScript enabled to view it. 
Hrafnista Skógarbæ Reykjavík:
Tengiliður: Rebekka Ingadóttir, sími 510 2100 netfang This email address is being protected from spambots. You need JavaScript enabled to view it. 
 

Hvernig sæki ég um starf á Hrafnistu?

Svar: Hægt er að sækja um starf  með því að fara inn á heimasíðu Hrafnistu www.hrafnista.is Á forsíðu hægra megin í stiku er smellt á gluggann „Störf í boði“. Þar má finna upplýsingar um laus störf á Hrafnistu. 
 

Til baka takki

Þessi vefsíða notar kökur (cookies). Með því að halda áfram að nota vefinn, samþykkir þú þessa virkni vefsins.
Samþykkja kökur