Leit

social link

 

Topp slide - hafnarfj

b_250_250_16777215_00_images_hrafnistahafnarfirdi_hafnarfjordur-hus.jpg

Hrafnista í Hafnarfirði er stærsta öldrunarheimili landsins en það var tekið í notkun árið 1977. Jafnframt er þar starfrækt dagdvöl.  Á heimilinu búa 211 heimilismenn. Í dagdvölinni eru 26 pláss sem um 46 einstaklingar nýta 2-5 daga í viku.  Á lóð heimilisins eru 64 leiguíbúðir við Hraunvang 1-3 og 56 raðhús í einkaeign við Boða- og Naustahlein. Íbúar leigu- og séreignarhúsanna geta sótt ýmiskonar þjónustu til Hrafnistu. Einnig geta þeir tengst Hrafnistu með neyðarhnappi. Heimilið skipar stóran sess í hugum Hafnfirðinga og er jafnframt einn stærsti vinnustaðurinn í bæjarfélaginu.  

 

Hugmyndafræði

Markmiðið er að veita hjúkrun og umönnun miðað við þarfir hvers og eins, styrkja fólk til sjálfshjálpar og auðvelda þeim að aðlagast breyttum aðstæðum. Mikil áhersla er lögð á að starfsmenn kynnist vel heimilisfólki og kynni sér bakgrunn og lífssögu hvers og eins.
Einnig er áhersla lögð á að starfsfólk stuðli að vellíðan og öryggi á sem bestan hátt og standi vörð um sjálfsmynd og sjálfsvirðingu heimilismanna. 
 
Fagfólk veitir hjúkrun allan sólarhringinn og læknar eru á sólarhringsvakt. Rík áhersla er lögð á að viðhalda góðum og styðjandi samskiptum við aðstandendur heimilismanna. Á deildinni starfa hjúkrunarfræðingar, sjúkraliðar, félagsliðar og starfsmenn í aðhlynningu. Á Hrafnistu í Hafnarfirði geta heimilismenn fengið fjölbreytta þjónustu og tekið þátt í ýmis konar starfsemi. Meðal þjónustu sem veitt er á heimilinu má nefna sjúkraþjálfun, iðjuþjálfun, fótsnyrtingu, hárgreiðslu, verslun, handavinnu og sálgæslu. Félags- og menningarstarf er í boði, auk þess sem guðsþjónustur og skemmtikvöld eru haldin reglulega. 

Aðstaðan

Hrafnista í Hafnarfirði er staðsett á fallegum stað í hrauninu í norðurbæ Hafnarfjarðar. Leitast er við að hafa umhverfi vistlegt og öruggt. Fólk flytur því með sína persónulegu muni á herbergi sín, eftir því sem kostur er. Rík áhersla er lögð á að aðstandendur og vinir heimilisfólks rækti samband sitt við ættingja sína á heimilinu.  

 

Kaffihús

b_267_170_16777215_00_images_myndasafn_opnun-kaffihuss-hfj.jpg
Sjá myndir
Kaffihús var opnað árið 2014 á Hrafnistu í Hafnarfirði. Þar geta heimilismenn nú tekið á móti aðstandendum og vinum í hlýlegu og notalegu umhverfi.
 

Deildarstjóri í borðsal og yfirmaður kaffihúss og eldhúss er Hrönn Benediktsdóttir This email address is being protected from spambots. You need JavaScript enabled to view it. sími 693 9532.

 

Myndin hér til hliðar er frá opnun kaffihússins.
 
Frá opnun kaffihússins.
 

Til baka takki

Fótur - hfj

Hrafnista Hafnarfirði ~ 491177-0129 ~ Aðalsími 585 3000 ~ Hraunvangur 7 ~ 220 Hafnarfirði ~ hrafnista@hrafnista.is

Banners neðst á forsíðu 1

Happdrætti DAS