Fréttasafn

Dolores R. Magdaraog 15 ára starfsafmæli á Hrafnistu

F.v. Árdís Hulda, Dolores, Kristín og Pétur.
Lesa meira...

Dolores R. Magdaraog, starfsmaður í ræstingu á Hrafnistu í Hafnarfirði, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

 

Á meðfylgjandi mynd eru frá vinstri: Árdís Hulda Eiríksdóttir forstöðumaður Hrafnistu í Hafnarfirði, Dolores R. Magdaraog, Kristín Benediktsdóttir ræstingastjóri Hrafnistu í Hafnarfirði og Pétur Magnússon forstjóri Hrafnistu.

 

Lesa meira...

Haustfagnaður Hrafnistu Hafnarfirði verður haldinn föstudaginn 12. október

Lesa meira...

 

Haustfagnaður Hrafnistu í Hafnarfirði verður haldinn föstudaginn 12. október og hefst hann með fordrykk kl. 11:30.

Íbúar geta boðið með sér einum gest. Verð fyrir gesti er kr. 4.500.- (nánari upplýsingar veitir starfsfólk á Hrafnistu Hafnarfirði).

Miðasala fer fram í verslun á 1. hæð og lýkur á hádegi þriðjudaginn 9. október.

 

Haustfagnaðurinn er haldinn á Bleika deginum og eru gestir hvattir til að klæðast einhverju bleiku þennan dag.

Dagskráin verður send út á Hrafnisturásinni upp á deildar.

 

Sjá auglýsingu hér. 

 

Lesa meira...

Haustfagnaður Hrafnistu Nesvöllum verður haldinn miðvikudaginn 10. október

Lesa meira...

 

Haustfagnaður Hrafnistu Nesvöllum Reykjanesbæ verður haldinn miðvikudaginn 10. október og hefst hann með fordrykk kl. 17:30.

Miðar eru til sölu á þjónustuborði Nesvalla og hjá hjúkrunarfræðingi á vakt frá 1. - 10. október. 

Íbúar geta boðið með sér tveimur gestum. Verð fyrir gesti er kr. 4.500.- (nánari upplýsingar veitir starfsfólk á Hrafnistu Nesvöllum).

 

Sjá auglýsingu hér.

 

 

Lesa meira...

Elínborg Jóna Ólafsdóttir ráðin deildarstjóri dagþjálfunar fyrir einstaklinga með heilabilun á Hrafnistu í Reykjavík

Lesa meira...

 

Elínborg Jóna Ólafsdóttir hefur verið ráðin deildarstjóri dagþjálfunar fyrir einstaklinga með heilabilun á Hrafnistu í Reykjavík en fyrirhugað er að opna dagþjálfunardeild fyrir 30 einstaklinga með heilabilun í febrúar á næsta ári.

Elínborg lauk BS prófi í hjúkrunarfræði frá Háskóla Íslands árið 2003 og lauk diploma í gjörgæsluhjúkrun frá sama skóla árið 2017 og hefur víðtæka starfsreynslu sem hjúkrunarfræðingur og stjórnandi. Hún hefur meðal annars starfað sem hjúkrunarfræðingur á Landspítalanum og á heilsugæslunni. Einnig hefur hún starfað sem deildarstjóri á hjúkrunarheimilunum Hlévangi og Mörk.

 

Lesa meira...

Bleiki dagurinn á Hrafnistu - föstudaginn 12. október

Lesa meira...

 

Bleiki dagurinn verður haldinn hátíðlegur föstudaginn 12. október og Hrafnistuheimilin munu svo sannarlega leggja sitt af mörkum til að gera daginn sem hátíðlegastan líkt og undafarin ár. Þessa dagana er verið að færa heimilin í bleikan búning með því að skreyta með ýmsu bleiku. Að sjálfsögðu höldum við svo upp á Bleika daginn með formlegum hætti með því að hvetja heimilisfólk og starfsfólk á Hrafnistu til að taka þátt og klæðast einhverju bleiku þennan dag. 

 

Lesa meira...

Rannsóknarsjóður Hrafnistu óskar eftir umsóknum um styrki á sviði öldrunarmála

Lesa meira...

 

Eitt af meginmarkmiðum sjóðsins er að stuðla að nýjungum og þróun í málefnum aldraðra. Sjóðurinn er opinn öllum þeim sem að stunda rannsóknir, formlegt nám eða hvað annað sem mun efla þennan málaflokk hér á landi.

Umsóknarfrestur er til 3. nóvember 2018 og skulu umsóknir sendar á netfangið  This email address is being protected from spambots. You need JavaScript enabled to view it.

Umsókn skal fylgja:

a)        Stutt lýsing á verkefninu

b)        Tíma- og kostnaðaráætlun

c)         Aðrir styrkir sem sótt er um fyrir sama verkefni

Sú kvöð fylgir styrkveitingu að niðurstöður verkefnisins séu kynntar á Hrafnistu í ræðu og riti auk þess að rannsóknarsjóðurinn áskilur sér rétt til að krefjast endurgreiðslu innan 3 ára ef hætt hefur verið við verkefnið.

 

Nánari upplýsingar fást hjá gæðastjóra Hrafnistu, Nönnu G. Sigurðardóttur í síma 585-9402.

 

 

Lesa meira...

Afrískur trommusláttur á Hrafnistu í Reykjavík

Lesa meira...

 

Afrískir trommarar og dansari komu og sýndu listir sínar í Skálafelli á Hrafnistu Reykjavík í gær. Mikill fjöldi íbúa mætti og slógu taktinn og dilluðu sér með tónlistinni.

Listahópurinn kom á vegum Reykjavíkurborgar og Linda Hartmanns söngkona söng fyrir og eftir viðburðinn ljúfa tóna. Við á Hrafnistu í Reykjavík þökkum öllum kærlega fyrir komuna og skemmtunina.

 

Afrískur dans og söngur:

https://www.facebook.com/Hrafnista/videos/165981774307404/

 

Linda Harmanns söng fyrir gesti:

https://www.facebook.com/Hrafnista/videos/745561415797166/

 

Lesa meira...

Lokahóf púttklúbbs Hrafnistu í Hafnarfirði haldið í gær

Lesa meira...

 

Lokahóf púttklúbbsins á Hrafnistu í Hafnarfirði var haldið í gærkvöldi í salnum á 5. hæð. Íslensk kjötsúpa, kaffi konfekt, hvítvín og rauðvín var á boðstólnum og mættu um 26 manns prúðbúnir til leiks. Þrjár stjörnur mættu á svæðið til að skemmta en það voru þær Viðja 7 ára sem spilaði nokkur lög á selló, Brynja Guðmundsdóttir 7 ára sýndi fimleikaæfingar og Guðrún Árný kom og söng og spilaði. Meðfylgjandi myndir, sem teknar voru á lokahófinu, tala sínu máli.  

 

Lesa meira...

Samvinnuverkefni Hrafnistu í Hafnarfirði og leikskólans Norðurbergs.

Lesa meira...

 

Samvinnuverkefni Hrafnistu í Hafnarfirði við leikskólann Norðurberg er komið á fullt skrið. Verkefnið snýr að því að sauma tautöskur fyrir börnin undir pollagalla og annað sem bera þarf á milli leikskóla og heimilis og losna þannig við plastpokana.

Elín hefur verið dugleg á saumavélinni og „fljúga“ töskurnar í gegn hjá henni. Börnin koma svo fljótlega og þræða bönd í töskurnar svo hægt sé að halda á þeim. Meira um þetta verkefni síðar.

 

Lesa meira...

Síða 3 af 90

Til baka takki