Top header icons

Hrafnista á Workplace FacebookHrafnista á Facebook
 
Við Sléttuveg í Reykjavík rís 99 rýma hjúkrunarheimili sem til stendur að opna á fyrri hluta árs 2020.
 
Forstöðumaður nýja heimilisins er Valgerður K. Guðbjörnsdóttir. Netfang hennar er This email address is being protected from spambots. You need JavaScript enabled to view it.  
 
Varðandi leiguíbúðir Naustavarar við Sléttuveg er hægt að beina fyrirspurnum á netfangið This email address is being protected from spambots. You need JavaScript enabled to view it. eða hringja í síma 585 9300.
 
 

Umsóknarferli

Hrafnista Sléttuvegi er 99 rýma hjúkrunarheimili þar sem verða rúmgóð 28 fm einstaklingsrými fyrir 99 íbúa. Herbergin eru uppbyggð með svefnherbergi og stofu í einu rými auk baðherbergis og eldhúskróks, þar sem er innrétting, vaskur og pláss fyrir ísskáp. Í herberginu er einnig að finna sjúkrarúm, náttborð og fataskáp á hjólum og rúllugluggatjöld. Auk þess er á herbergjunum öryggiskallkerfi, tengingar fyrir síma, sjónvarp og tölvu. Heimilismenn útvega síðan sjálfir annan húsbúnað og gluggatjöld ef þeir óska eftir að gera heimili sitt ennþá heimilislegra.

 Til þess að verða úthlutað plássi á hjúkrunarheimili þarf viðkomandi að vera með gilt færni- og heilsumat.
Umsóknarferli færni- og heilsumats er eftirfarandi:  Sá eða sú sem í hlut á eða einhver nákominn fyllir út umsókn um færni- og heilsumat. Ef þörf krefur getur heimilislæknir aðstoðað við gerð umsóknarinnar. Umsóknina skal senda til færni- og heilsumatsnefndar í því heilbrigðisumdæmi þar sem viðkomandi á lögheimili. Umsóknin felur í sér heimild fyrir nefndirnar til að afla nauðsynlegra gagna og upplýsinga, m.a. hjá heilbrigðis- og félagsþjónustu hafi umsækjandi notið þeirrar þjónustu. 

Þegar umsókn um færni-og heilsumat hefur borist viðkomandi færni- og heilsumatsnefnd fer ákveðið ferli af stað. Til þess að matsnefndin geti komist að niðurstöðu þarf hið eiginlega færni- og heilsumat að liggja fyrir en það framkvæmir heilbrigðisstarfsfólk sem þekkir til viðkomandi. Þar að auki er byggt á ákveðnum skilgreindum upplýsingum frá heilbrigðis- og félagsþjónustu, hlutaðeigandi læknum eða sjúkrastofnunum, eftir því sem við á. 

Færni- og heilsumatsnefnd ber ábyrgð á að afla þessara gagna. Alla jafna er miðað við að ekki líði meira en fjórar vikur frá því að nefndinni berst beiðni um færni- og heilsumat þar til að niðurstaða liggur fyrir. 

Niðurstaða færni- og heilsumats er kynnt umsækjanda skriflega og afrit er sent til heimilislæknis, heimahjúkrunar, félagsþjónustu og svæðisskrifstofu málefna fatlaðra ef við á. Áður en til flutnings á hjúkrunar- eða dvalarheimili kemur þarf að liggja fyrir beiðni um færni- og heilsumat, færni- og heilsumatið sjálft, umsókn um hjúkrunar- eða dvalarheimili og úthlutunin sjálf. 

Athugið: Sætti viðkomandi einstaklingur sig ekki við niðurstöðu færni- og heilsumatsnefndar getur hann skotið niðurstöðunni til velferðarráðherra, sbr. 26. gr. Stjórnsýslulaga“

https://www.landlaeknir.is/um-embaettid/greinar/grein/item15687/Umsoknarferli-umsokna-um-faerni--og-heilsumat

https://www.landlaeknir.is/gaedi-og-eftirlit/notendur-heilbrigdisthjonustu/faerni-og-heilsumat/

Þegar einstaklingur er kominn með gilt færni- og heilsumat fer hann á biðlista á þeim hjúkrunarheimilum sem hann hefur valið. Þegar losnar pláss á þeim heimilum sem einstaklingur er á bið fyrir sér færni-og heilsumatsnefnd um að úthluta mötum á viðkomandi hjúkrunarheimili.

Í kjölfarið hefur hjúkrunarheimilið samband við viðkomandi og honum boðið pláss.

 

 

 

Til baka takki

Þessi vefsíða notar kökur (cookies). Með því að halda áfram að nota vefinn, samþykkir þú þessa virkni vefsins.
Samþykkja kökur