Fréttasafn

Helena Björk Jónasdóttir, íþróttakennari á Hrafnistu í Hafnarfirði, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Helena og Bryndís F. Guðmundsdóttir deildarstjóri sjúkraþjálfunar.

Jensína Andrésdóttir, sem búið hefur á Hrafnistu í Reykjavík í tvo áratugi, eða frá árinu 1997, fagnaði í dag 107 ára afmæli sínu með vinum og ættingjum á Hrafnistu og var glatt á hjalla eins og vænta mátti. Jensína er ættuð úr Austur-Barðastrandarsýslu, nánar tiltekið frá Þórisstöðum í Þorskafirði í Reykhólahreppi, þar sem hún fæddist 10. nóvember árið 1909. Óhætt er því að segja að Jensína muni tímana tvenna. Á Þórisstöðum voru sautján í heimili, foreldrar og fimmtán systkini. Jensína fór snemma að heiman til vinnu í sveit við Ísafjarðardjúp, þar sem hún var í tvo vetur. Jensína fluttist fljótlega til Reykjavíkur þar sem hún hefur búið síðan við ýmis þjónustustörf auk þess að sinna ræstingum, m.a. á ýmsum læknastofum borgarinnar. Jensína er sá íbúi sem hefur náð hæstum aldri í tæplega 60 ára sögu Hrafnistu.

Föstudaginn 11. nóvember nk. verða nemar í iðjuþjálfun með fræðslu í Helgafelli, 4. hæð Hrafnistu í Reykjavík kl. 13:30.

Föstudaginn 11. nóvember kl. 12:00 verður heimilisfólk með jólabasar í Minningarstofunni í suðurenda Hrafnistu í Hafnarfirði.

Allir velkomnir.

Sjá nánari auglýsingu með því að smella hér

Föstudaginn 4. nóvember sl. var haldin vetrarhátíð á Hrafnistu í Hafnarfirði. Valgerður Guðnadóttir sá um veislustjórn og hélt uppi fjörinu ásamt Helga M. Hannessyni, sem sá um undirleik og Böðvar Magnússon spilaði undir borðhaldi. Í lokin spilaði DAS bandið af sinni alkunnu snilld á fjörugu balli. Hátíðin var vel lukkuð og gleðin skein úr hverju andliti eins og sjá má á meðfylgjandi myndum.

Föstudaginn 4. nóvember nk. verður Guðmunda Steingrímsdóttir, sjúkraliði, með fræðslu í Helgafelli, 4. hæð Hrafnistu í Reykjavík kl. 13:30.

Fræðsluerindi: Okkar eigin lífssaga.

Guðsþjónusta verður haldin sunnudaginn 6. nóvember kl. 14 í Helgafelli 4. hæð, Hrafnistu Reykjavík.

Organisti: Magnús Ragnarsson

Kór: Félagar úr Kammerkór Áskirkju og söngfélagar Hrafnistu

Prestur: Svanhildur Blöndal

Sjá nánari auglýsingu með því að smella hér

Lionessuklúbbur Keflavíkur kom færandi hendi á Hrafnistu Hlévangi þar sem þær gáfu tvo hægindastóla og á Hrafnistu Nesvöllum þar sem þær gáfu hárþvottabakka, við þökkum þeim kærlega fyrir.

Á meðfylgjandi mynd eru frá vinstri: Þuríður Elísdóttir hjúkrunardeildarstjóri Nesvalla, Guðlaug Gunnarsdóttir hjúkrunardeildarstjóri Hlévangs og frá Lionessunum Þorbjörg Pálsdóttir, Áslaug Bersveinsdóttir og Hrafnhildur Gunnarsdóttir.