 |
| | |  |
Sveindís Skúladóttir hefur verið ráðin sem aðstoðardeildarstjóri á Sjávar- og Ægishrauni frá og með 10. október. Sveindís hefur starfað sem hjúkrunardeildarstjóri á Hrafnistu Hlévangi í nokkur ár en flytur sig nú yfir í Hafnarfjörðinn.
Við bjóðum Sveindísi hjartanlega velkomna til starfa á Hrafnistu í Hafnarfirði.
Það var fjölmenni í söngstundinni á Hrafnistu í Reykjavík í morgun og margir tóku vel undir í söngnum með Jonnu, sem leiddi sönginn áfram í dag sem og alla aðra föstudaga.
Í gærkvöldi fór fram haustfagnaður á Hrafnistu í Kópavogi. Þar var mikið um dýrðir og veislustjóri kvöldsins var enginn annar en Þórhallur Sigurðsson sem fór á kostum eins og honum einum er lagið. Kokkar Hrafnistu reiddu fram dýrindis krásir og á eftir var slegið upp dansleik.
Kristín Bjarnadóttir, starfsmaður í aðhlynningu á Ölduhrauni Hrafnistu Hafnarfirði, hefur starfað á Hrafnistu í 25 ár.
Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Pétur Magnússon forstjóri Hrafnistu, Kristín Bjarnadóttir, Þóra Gunnlaugsdóttir deildarstjóri á Ölduhrauni og Árdís Hulda Eiríksdóttir forstöðumaður Hrafnistu í Hafnarfirði.
Föstudaginn 7. október nk. verður Guðbjörg María Árnadóttir, félagsráðgjafi, með fræðslu í Helgafelli, 4. hæð Hrafnistu í Reykjavík kl. 13:30.
Fræðsluerindi: Félagsleg réttindi.
Guðrún Magný Jakobsdóttir, starfsmaður í ræstingu Hrafnistu Reykjavík, hefur starfað á Hrafnistu í 25 ár.
Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Sigrún Stefánsdóttir forstöðumaður á Hrafnistu í Reykjavík, Guðrún Magný, Aðalbjörg Úlfarsdóttir ræstingastjóri og Pétur Magnússon forstjóri Hrafnistu.
Föstudaginn 30. september nk. verður Steinunn Leifsdóttir, íþróttafræðingur, með fræðslu í Helgafelli, 4. hæð Hrafnistu í Reykjavík kl. 13:30.
Fræðsluerindi:Mikilvægi hreyfingar.
Miðvikudaginn 5. október kl. 13:30 ætlar Ingrid Kuhlman að vera með fyrirlestur og sýna myndband sem hún hefur búið til um lífshamingju.
Fyrirlesturinn verður haldinn í Menningarsalnum Hrafnistu Hafnarfirði.
Sjá nánari auglýsingu með því að smella hér
Geirlaug D. Oddsdóttir hefur verið ráðin sem aðstoðardeildarstjóri iðjuþjálfunar og félagsstarfs frá og með 1. október nk. Geirlaug útskrifaðist frá Iðjuþjálfaskólanum í Kaupmannahöfn árið 2001 og hefur starfað sem slíkur síðan.
Bjóðum Geirlaugu hjartanlega velkomna til starfa á Hrafnistu.
Síða 144 af 175
