 |
| | |  |
Þrátt fyrir kulda voru settar niður kartöflur í Boðaþinginu í dag. Það kom í ljós að nær allir höfðu verið með kartöflugarða á árum áður og kunnu þau því vel handtökin. Mikið var hlegið og skrafað og í lokin fengum við okkur að sjálfsögðu heitan sopa með smá súkkulaði, ánægð með verkið.
Félag eldri borgara í Hafnarfirði komu í heimsókn á Hrafnistu í Hafnarfirði í dag og sýndu okkur línudans. Vel var mætt og tók fólk vel undir þegar boðið var upp í dans. Við þökkum þeim kærlega fyrir skemmtilega heimsókn.
Dans og stuð á Hrafnistu í Hafnarfirði í dag:
https://www.facebook.com/handverksheimili/videos/2022806314649911/
Krakkarnir í tónlistarskóla Hafnarfjarðar komu til okkar á Hrafnistu í Hafnarfirði á dögunum ásamt kennurum sínum. Þau spiluðu fyrir okkur á gítar, ukulele og þverflautu og var það ótrúlega flott hjá þeim. Við þökkum þeim kærlega fyrir komuna.
Hægt er að hlýða á hljóðfæraleikinn hjá krökkunum með því að smella á linkana hér fyrir neðan:
https://www.facebook.com/handverksheimili/videos/2020147204915822/
https://www.facebook.com/handverksheimili/videos/2020147294915813/
https://www.facebook.com/handverksheimili/videos/2020147091582500/
Í gær, mánudaginn 28. maí, komu hvorki meira né minna en 70 krakkar úr 2. og 5. bekk frá Heiðarskóla í heimsókn. Þau sungu nokkur lög fyrir heimilisfólk og fengu að lokum hressingu áður en þau kvöddu.
Föstudagar eru léttir föstudagar í salnum á Hrafnistu Nesvöllum. Síðasta föstudag kom Garðar Sigurðsson í heimsókn og sagði frá upphafi björgunarsveitarinnar Stakks á einstaklega skemmtilegan hátt. Hann sýndi einnig gamlar myndir úr Reykjanesbæ, sagði gamansögur og skemmtileg ljóð. Að lokum var boðið upp á dýrindis rjómatertu með kaffinu.
Kristín Hrund Andrésdóttir, starfsmaður í aðhlynningu á Miklatorgi Hrafnistu í Reykjavík, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Pétur Magnússon forstjóri Hrafnistu, Kristín Hrund, Valgerður Guðbjörnsdóttir deildarstjóri á Miklatorgi, Anna María Bjarnadóttir aðstoðardeildarstjóri og Sigrún Stefánsdóttir forstöðumaður Hrafnistu í Reykjavík.
Juliette Marjorie Marion, starfsmaður í aðhlynningu á Sól-/Mánateig Hrafnistu í Reykjavík, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Pétur Magnússon forstjóri Hrafnistu, Sigrún Stefánsdóttir forstöðumaður Hrafnistu í Reykjavík, Juliette og Arna Garðarsdóttir aðstoðardeildarstjóri á Sólteig.
Búum öldruðum áhyggjulaust ævikvöld.
Þegar þú kaupir miða í Happdrætti DAS rennur þitt framlag til uppbyggingar íbúða og þjónustumiðstöðvar fyrir aldraðra.
Þinn stuðningur skiptir máli. Tryggðu þér miða í Happdrætti DAS.
Særún Ingvadóttir, félagsliði á Miklatorgi Hrafnistu Reykjavík, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Jóna Ósk Ásgeirsdóttir aðstoðardeildarstjóri á Miklatorgi, Særún, Sigrún Stefánsdóttir forstöðumaður Hrafnistu í Reykjavík og Pétur Magnússon forstjóri Hrafnistu.
Síða 97 af 175
