Fréttasafn

Október er mánuður Bleiku slaufunnar, árverknis- og fjáröflunarátaks Krabbameinsfélags Íslands gegn krabbameini hjá konum.

Við hér á Hrafnistu höfum verið dugleg að styðja við átakið og hvetjum aðra til að sýna stuðning í verki og festa kaup á Bleiku slaufunni.

Október er mánuður Bleiku slaufunnar, árveknis- og fjáröflunarátaks Krabbameinsfélags Íslands gegn krabbameinum hjá konum. Á undanförnum árum höfum við hér á Hrafnistuheimilunum tekið þátt í átakinu af krafti; skreytt húsin og haldið formlega upp á bleika daginn með ýmsum hætti – til dæmis með því að hvetja fólk til að klæðast bleiku. Þetta árið verið engin undantekning svo allir eru hvatir til að vera duglegt að taka þátt. Dagskrá bleika mánaðarins verður nánar kynnt á hverju heimili fyrir sig.

Líkt og undanfarin ár er Bleika slaufan seld í verslunum Hrafnistu. Þegar sala hófst í morgun voru það þingmennirnir Birgir Ármannsson og Sigríður Á. Andersen sem voru með þeim allra fyrstu til að næla í sig nýju slaufunum en þau voru einmitt í heimsókn á Hrafnistu í Reykjavík til að kynna sér starfsemina.

Mikill undirbúningur stendur yfir þessa dagana á Hrafnistu Hlévangi vegna haustfagnaðar heimilisfólks og starfsfólks sem fram fer 8. október nk.  

Dagskráin hefst með fordrykk og eftir matinn verður dregið í happdrætti og slegið upp balli. Leitað var til fyrirtækja í bænum til að gefa vinninga í happdrættið og var alls staðar tekið vel í það.

Heimilið verður skreytt í fallegum haustlitum og öllu verður tjaldað til. Heimilisfólk hefur tekið virkan þátt í undirbúningnum með því að hjálpa til við föndrið og ýmislegt hefur verið gert til að auka á spennuna og gleðina.

Eins og sjá má á meðfylgjandi myndum er heimilið í óða önn að taka á sig skemmtilegan haustblæ.

Danshópur frá Félagi eldri borgara heimsótti heimilisfólk á Hrafnistu í Hafnarfirði sl. miðvikudag og tók nokkur lauflétt spor undir handleiðslu Auðar Hörpu Andrésdóttur danskennara sem hefur verið með mjög skemmtilega og vinsæla danstíma hjá Félagi eldri borgara í Hafnarfirði.

Lauflétt og skemmtileg stemning skapaðist við flutninginn eins og sjá má á meðfylgjandi myndum og myndbandi 

www.facebook.com/mariasveins/videos/10153633709149025/

Haustfagnaður heimilisfólks á Hrafnistu í Hafnarfirði var haldinn með pompi og prakt í gær, fimmtudaginn 24. september. Mikið var um dýrðir og skemmti fólk sér konunglega undir veislustjórn þeirra Davíðs Ólafssonar og Stefáns Stefánssonar. Að loknu borðhaldi tók við ball með Guðmundi Hauki Jónssyni.

Myndir frá haustfagnaðinum má sjá í meðfylgjandi myndaalbúmi.

Gunnhildur Björgvinsdóttir, hjúkrunarfræðingur og deildarstjóri á Sólteigi Hrafnistu í Reykjavík, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Jónas Hilmarsson, umsjón fasteigna, hefur starfað á Hrafnistu í 10 ár. Um leið og við óskum honum til hamingju með áfangann er honum þakkað fyrir gott starf og þá tryggð sem hann hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistuheimilanna, Jónas og Björgvin Jónsson deildarstjóri fasteigna.

Lourdes Dygay Yanos, starfsmaður á Lækjartorgi Hrafnistu í Reykjavík, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistuheimilanna, Sigrún Stefánsdóttir forstöðumaður Hrafnistu í Reykjavík, Lourdes og Þóra Geirsdóttir deildarstjóri á Lækjartorgi.