Þann 6. apríl sl. komu feðgarnir Ívar Símonarson og Símon H. Ívarsson í heimsókn á Hrafnistu í Reykjavík ásamt fríðu föruneyti. Þeir leiddu samspil ungra gítarnemenda sinna þar sem yngstu nemendurnir voru 9 ára.
Lögin sem þeir spiluðu voru öllum vel kunn. Keðjusöngurinn Meistari Jakob, Krummi svaf í klettagjá, Hlíðarendakot og á Sprengisandi. Heimilisfólk á Hrafnistu í Reykjavík skemmti sér vel og tók vel undir með söng.