Top header icons

Hrafnista á Workplace FacebookHrafnista á Facebook

Nýtt skipulag á eldhúsi Hrafnistu Reykjanesbæ

Vegna vaxandi umsvifa og aukinna krafna, hefur verið ákveðið að nýtt skipulag á starfsemi eldhúss Hrafnistu í Reykjanesbæ taki gildi frá og með deginum í dag, 12. ágúst 2019. Samkvæmt nýja skipulaginu mun fagmenntaður matreiðslumaður framvegis stýra allri daglegri starfsemi í eldhúsi Hrafnistu í Reykjaensbæ sem staðsett er á Nesvöllum en eldhúsið er rekið sem undirdeild undir eldhúsi Hrafnistu í Laugarási. Umfang eldhúss Hrafnistu í Reykjanesbænum hefur vaxið jafnt og þétt á síðustu árum, en auk þess að sjá um mat fyrir hjúkrunarheimilin Nesvelli og Hlévang í Reykjanesbæ, býður eldhúsið gestum þjónustumiðstöðvarinnar á Nesvöllum upp á hádegismat á virkum dögum, eldar hádegismat fyrir þjónustuþega félagsþjónustu Reykjanesbæjar og Suðurnesjabæjar og sinnir ýmsum fleiri verkefnum.
 

Fannar Arnarsson
Fannar Arnarsson

Í nýtt starf stjórnanda eldhússins Hrafnistu í Reykjanesbæ hefur verið ráðinn Fannar Arnarsson matreiðslumaður og hefur hann störf 13. ágúst.
 
Fannar lauk námi matreiðslumanns árið 2015 frá Menntaskólanum í Kópavogi. Hann hefur meðal annars starfað sem matreiðslumaður hjá Grand Hótel og fyrirtækinu Ráðlagður dagsskammtur. Fannar var eigandi og matreiðslumaður hjá Matarkompaní á árunum 2016-2019. 
 
Margrét Hermannsdóttir sem stýrt hefur eldhúsi Hrafnistu í Reykjanesbæ hefur látið af störfum og eru henni þökkuð góð störf í þágu Hrafnistu.
 
Við hjá Hrafnistu erum sannfærð um að þessi breyting mun leiða til aukinnar og bættrar þjónustu fyrir íbúa, starfsfólk og aðra Suðurnesjamenn sem njóta þjónustu Hrafnistu.
 
Þuríður Elísdóttir
Forstöðumaður Hrafnistu Nesvalla og Hlévangs

Til baka takki

Þessi vefsíða notar kökur (cookies). Með því að halda áfram að nota vefinn, samþykkir þú þessa virkni vefsins.
Samþykkja kökur