Nú um mánaðarmótin urðu þær breytingar í yfirstjórn eldúsa Hrafnistuheimilanna að Ólafur Haukur Magnússon tekur við stjórnartaumunum af Magnúsi Margeirssyni.

Ólafur Haukur hefur starfað sem staðgengill yfirmanns eldhúsa frá apríl 2016 en hann hefur verið viðloðandi eldhús Hrafnistuheimilanna allt frá árinu 1996.

Ólafur Haukur lauk meistaraprófi í matreiðslu frá Menntaskólanum í Kópavogi nú í vor og útskrifaðist sem matreiðslumaður 2005.  Hann hefur víðtæka reynslu frá veitingastöðum bæði hérlendis og erlendis.

Við óskum Ólafi Hauki velfarnaðar í nýju ábyrgðarhlutverki innan Hrafnistu.

Magnús hefur starfað í eldhúsum Hrafnistu í 40 ár og lengst af sem yfirmaður eldhúsa Hrafnistu.  Magnús hefur mótað og þróað matarþjónustu Hrafnistuheimilanna í gegnum árin og unnið ötullega að þessum mikilvæga þætti í þjónustu Hrafnistu.  Á þessum árum hefur margt breyst og umfang í þjónustu Hrafnistuheimilanna vaxið umtalsvert.  Magnús skilar góðu búi til nýs yfirmanns eldhúsa Hrafnistu.

Magnús um starfa áfram í eldhúsinu á Hrafnistu í Reykjavík sem matreiðslumaður í 49 % starfi.