Sagan
Dvalarheimili aldraðra sjómanna (DAS), Hrafnista, tók til starfa í Laugarási í Reykjavík á Sjómannadaginn 2. júní 1957. Tveimur áratugum síðar, Sjómannadaginn 5. júní 1977, hóf Hrafnista Hraunvangi í Hafnarfirði sína starfsemi. Heimilin eru bæði í eigu Sjómannadagsráðs. Hinn 19. mars 2010 hóf Hrafnista starfsemi í Boðaþingi Kópavogi. Hrafnista á Nesvöllum í Reykjanesbæ var vígð 14. mars 2014. Á sama tíma tók Hrafnista við starfsemi eldra heimilis í Reykjanesbæ, Hrafnistu á Hlévangi. Þann 1. febrúar 2017 tók Hrafnista við rekstri Ísafoldar í Garðabæ og 2. maí 2019 tók Hrafnista við rekstrinum á hjúkrunarheimilinu Skógarbæ sem staðsett er í Árskógum í Reykjavík Þann 28. febrúar 2020 var svo nýtt hjúkrunarheimili vígt við Sléttuveg í Fossvogi. Heimilið er í eigu ríkissjóðs (85%) og Reykjavíkurborgar (15%) sem samdi við Sjómannadagsráð og Hrafnistu um reksturinn sem jafnframt höfðu umsjón með framkvæmdum, sáu um allan undirbúning, skipulagsmál, útboð og samninga við hönnuði, verktaka og birgja. Hrafnista Sléttuvegi er áttunda heimilið sem Hrafnista starfrækir á suðvesturhorni landsins.
Sjómannadagsráð stofnaði Happdrætti DAS árið 1954 til fjáröflunar á byggingu dvalarheimilisins í Laugarási og hefur rekið það æ síðan. Ráðið stofnaði einnig Laugarásbíó árið 1960 til fjáröflunar og rekur húsnæði þess í dag. Árið 1964 keypti Sjómannadagsráð jörðina Hraunkot í Grímsnesi þar sem rekin er frístundabyggð. Einnig stóð ráðið fyrir stofnun Naustavarar árið 2001 en Naustavör byggir og rekur 260 leiguíbúðir fyrir aldraða í Reykjavík, Hafnarfirði og Kópavogi.
| Stjórnarformaður Sjómannadagsráðs Aríel Pétursson, félag skipstjórnarmanna. |
 | Varaformaður
|
 | Gjaldkeri Jónas Garðarsson, sjómannafélag Íslands. |
 | Varagjaldkeri Oddur Magnússon, sjómannafélag Íslands. |
 | Ritari Sigurður Ólafsson, félag vélstjóra og málmtæknimanna. |
Varamenn | |
| 1. varamaður: Guðmundur Helgi Þórarinsson, félag vélstjóra og málmtæknimanna. | |
| 2. varamaður: Jón Rósant Þórarinsson, sjómannafélag Íslands. | |
| 3. varamaður: Árni Bjarnason, félag skipstjórnarmanna. |
Framkvæmdaráð
 | María Fjóla Harðardóttir, forstjóri María Fjóla Harðardóttir var ráðin framkvæmdastjóri heilbrigðissviðs Hrafnistuheimilanna í byrjun ársins 2015 og gegnir nú stöðu forstjóra Hrafnistuheimilanna. María hefur fjölbreytta reynslu af starfsemi hjúkrunarheimila en hún hefur verið deildarstjóri bæði á Hlévangi í Reykjanesbæ og Sunnuhlíð í Kópavogi. Jafnframt hefur hún starfað hjá hjúkrunarheimilunum Mörk og Eir. María Fjóla er hjúkrunarfræðingur að mennt og með meistaragráðu í verkefnastjórnun (MPM) frá Háskólanum í Reykjavík. |
 | Steinunn Þórðardóttir, framkvæmdastjóri lækninga Steinunn er sérfræðingur í öldrunar- og lyflækningum. Steinunn lauk námi frá læknadeild Háskóla Íslands árið 2004. Hún fékk sérfræðileyfi í almennum lyflækningum 2012, sérfræðileyfi í öldrunarlækningum í Svíþjóð 2013 og á Íslandi árið 2014. Steinunn hefur auk læknisstarfa stundað vísindarannsóknir og kennslu um árabil og lauk doktorsprófi frá Karolinska Institutet 2018. Hún er stundakennari við HÍ og hefur séð um kennslu lækna- og hjúkrunarnema á sviði heilabilunarsjúkdóma. Áður en Steinunn hóf störf á Hrafnistu gegndi hún stöðu yfirlæknis heilabilunareiningar Landspítala í 5 ár ásamt því að vera formaður Læknafélags Íslands og formaður siðanefndar Alþjóðasamtaka lækna (World Medical Association) en þeim störfum mun hún sinna áfram samhliða starfi á Hrafnistu. |
 | Kristján Björgvinsson, fjármálastjóri Kristján er viðskiptafræðingur að mennt, með löggildingu í endurskoðun, meistarapróf í fjármálum fyrirtækja og próf í verðbréfamiðlun. Hann hefur gríðarlega mikla starfsreynslu og breiða þekkingu úr fjármálageira íslensks atvinnulífs. Áður en Kristján hóf störf hjá Hrafnistu var hann framkvæmdastjóri fjármálasviðs Mjólkursamsölunnar ehf. (MS) og Auðhumlu svf., aðaleiganda MS. Þar á undan var hann fjármálastjóri ýmissa fyrirtækja og ráðgjafi á sviði fjármála og fjárfestinga um árabil. |
 | Oddgeir Reynisson, framkvæmdastjóri rekstrarsviðs Netfang: oddgeir.reynisson [hjá] hrafnista.is Oddgeir er menntaður viðskiptafræðingur frá Háskóla Íslands. Hann hefur víðtæka reynslu úr íslensku atvinnulífi en hann hefur meðal annars starfað fyrir Flögu/Medcare og sem fjármálastjóri Nesskipa. Hann var rekstrarstjóri hjá Nova á árunum 2007-2015. Áður en Oddgeir hóf störf hjá Hrafnistu starfaði hann sem útibússtjóri Arion banka í Fjallabyggð. |
 | Jakobína H. Árnadóttir, mannauðsstjóri Netfang: jakobina [hjá] hrafnista.is Jakobína er með meistaragráðu í sálfræði og diplóma í mannauðsstjórnun. Hún býr yfir mikilli reynslu á sviði mannauðsstjórnun og stjórnunar bæði hjá hinu opinbera og á einkamarkaði auk þess að hafa sinnt kennslu við Háskóla Íslands. Áður en Jakobína hóf störf hjá Hrafnistu starfaði hún sem sviðsstjóri ráðninga og mannauðsráðgjafar hjá Capacent en sinnti þar fjölbreyttri mannauðsráðgjöf fyrir hin ýmsu fyrirtæki og stofnanir. Þar á undan starfaði hún sem mannauðsstjóri hjá Fjármálaeftirlitinu, aðstoðarforstjóri og verkefnastjóri hjá Lýðheilsustöð og sem stjórnandi hjá Reykjavíkurborg. |
 | Gunnur Helgadóttir, framkvæmdastjóri heilbrigðissviðs Gunnur hóf störf á heilbrigðissviði Hrafnistu í janúar 2021. Gunnur er MBA frá Háskólanum í Reykjavík og með B.Sc. próf í hjúkrun frá Háskóla Íslands. Áður en Gunnur hóf störf á Hrafnistu starfaði hún í 9 ár sem framkvæmdastjóri Vistor sem er leiðandi fyrirtæki á sviði markaðssetningar á lyfjum á Íslandi. Gunnur er með víðtæka almenna stjórnunarreynslu og hefur einnig starfsreynslu sem hjúkrunarfræðingur, mestmegnis frá Svíþjóð þar sem hún starfaði á gjörgæsludeild og hjúkrunarheimilum. |
 | Sigrún Stefánsdóttir, forstöðumaður Hrafnistu Laugarási Sigrún Stefánsdóttir er forstöðumaður Hrafnistu Laugarási í Reykjavík. Sigrún hóf störf á Hrafnistu í Reykjavík sem deildarstjóri árið 2003. Hún tók síðan við starfi forstöðumanns á Hrafnistu í Hafnarfirði árið 2011 og sinnti því þar til hún tók við núverandi stöðu árið 2013. Sigrún útskrifaðist sem hjúkrunarfræðingur B.Sc. frá HÍ árið 1991 og lauk diplómanámi í stjórnun frá HÍ árið 2007. Áður starfaði hún sem hjúkrunarfræðingur á LSH. Hún hefur tekið þátt í ýmsum verkefnum á vegum Hrafnistu. |
 | Árdís Hulda Eiríksdóttir, forstöðumaður Hrafnistu Hraunvangi Netfang: ardishulda [hjá] hrafnista.is Árdís Hulda Eiríksdóttir er forstöðumaður Hrafnistu Hraunvangi í Hafnarfirði. Árdís hóf störf sem gæða- og fræðslustjóri Hrafnistuheimilanna árið 2008 og sinnti því starfi þar til hún tók við starfi forstöðumanns í Hafnarfirði árið 2013. Áður var hún hjúkrunarforstjóri á dvalar- og hjúkrunarheimilinu Uppsölum í 9 ár. Árdís hefur tekið þátt í ýmsum verkefnum á vegum Hrafnistu. Hún lauk BSc. prófi í hjúkrunarfræði við Háskóla Íslands árið 1998 og diplómanámi í opinberri stjórnsýslu fyrir heilbrigðisstjórnendur árið 2016. |
 | Kristrún Benediktsdóttir, forstöðumaður Hrafnistu Boðaþingi Netfang: kristrun.benediktsdottir [hjá] hrafnista.is |
 | Þuríður Ingibjörg Elísdóttir, forstöðumaður Hrafnistu Nesvalla og Hlévangs Netfang: thuridur.elisdottir [hjá] hrafnista.is |
 | Sara Pálmadóttir, forstöðumaður Hrafnistu Ísafold Netfang: sara.palmadottir [hjá] hrafnista.is Sara Pálmadóttir er forstöðumaður Hrafnistu Ísafold í Garðabæ. Sara lauk BS prófi í iðjuþjálfunarfræði frá Háskólanum á Akureyri vorið 2017. Hún hefur starfað á fjórum af átta Hrafnistuheimilum frá árinu 2007, fyrst við aðhlynningu á Hrafnistu í Hraunvangi og síðar sem sjúkraliði í dagdvöl á Hrafnistu í Boðaþingi. Árið 2017 var Sara ráðin deildarstjóri sjúkra- og iðjuþjálfunar á Hrafnistu Ísafold. Haustið 2021 var hún ráðin sem deildarstjóri iðjuþjálfunar í endurhæfingarteymi þvert á þrjú Hrafnistuheimili, Ísafold, Boðaþing og Skógarbæ. Samhliða almennum rekstri og stjórnun deildarinnar vann hún að innleiðingu og þróun nýrra verkefna og samræmingu á verklagi tengt iðjuþjálfun. |
 | Rebekka Ingadóttir, forstöðumaður Hrafnistu Skógarbæ Rebekka Ingadóttir er forstöðumaður Hrafnistu Skógarbæ í Reykjavík. Hún lauk BS prófi í hjúkrunarfræði frá Háskólanum á Akureyri árið 2008. Hún hefur unnið á Hrafnistu frá því árið 2009, fyrst í aðhlynningu með menntaskóla og svo frá árinu 2010 á Hrafnistu Boðaþingi í Kópavogi. Þar byrjaði Rebekka sem almennur hjúkrunarfræðingur, tók við stöðu aðstoðardeildarstjóra árið 2011 og hefur starfað sem deildarstjóri frá árinu 2013. |
 | Valgerður Kristín Guðbjörnsdóttir, forstöðumaður Hrafnistu Sléttuvegi Valgerður Kristín Guðbjörnsdóttir er forstöðumaður Hrafnistu Sléttuvegi í Reykjavík. Hún er með BS próf í hjúkrunarfræði frá Háskóla Íslands og hefur lokið diplóma gráðu í opinberri stjórnsýslu fyrir stjórnendur í heilbrigðisþjónustu. Hún starfaði fyrst á Kleppsspítala en hefur unnið nánast óslitið á Hrafnistu í Laugarási síðan árið 2002. Fyrst sem almennur hjúkrunarfræðingur (2004-2007), sem aðstoðardeildarstjóri (2007-2013) og loks sem deildarstjóri á Miklatorgi frá janúar 2013. |
