Fréttasafn

Í dag, föstudaginn 29. janúar, verður Sr. Svanhildur Blöndal með fræðslu fyrir heimilisfólk og dvalargesti kl. 13.40 í samkomuslanum Helgafelli 4. hæð Hrafnistu í Reykjavík.  Fyrirlesturinn fjallar um Sálgæslu, gleði og sorg efri áranna.

Unnur Björnsdóttir, starfsmaður í ræstingu á Hrafnistu í Hafnarfirði, hefur starfað á Hrafnistu í 10 ár. 

Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Unnur og Kristín Benediktsdóttir, ræstingastjóri.

Þorrablót verður haldið í hádeginu 29. janúar í Reykjanesbæ, bæði á Hrafnistu Hlévangi og Hrafnistu Nesvöllum. Harmonikkufélag Suðurnesja verður með tónlistarskemmtun á meðan smakkað verður á gómsætum þorramat. Einnig ætlar Annríki að vera með sýningu á þjóðbúningum. 

Þorrablót Hrafnistu Kópavogi var haldið með hefðbundnu sniði í hádeginu á Bóndadaginn, þann 22. janúar sl.  Hinn margrómaði þorramatur rann ljúft niður með lindarvatni og íslensku brennivíni.  

Gleði og söngur var við völd og tekinn var léttur hringdans að þjóðlegum sið.

Guðsþjónusta verður haldin sunnudaginn 31. janúar kl. 11 í Menningarsalnum 1. hæð, Hrafnistu Hafnarfirði.

Hrafnistukórinn syngur undir stjórn Böðvars Magnússonar.

Prestur er Sr. Svanhildur Blöndal.

Sjá nánar meðfylgjandi auglýsingu

Með því að smella á meðfylgjandi slóð er hægt að horfa á myndbrotið þegar sjónvarpað var frá þorrablótinu á Hrafnistu í Reykjavík, í beinni útsendingu í fréttatíma Stöðvar 2.

http://www.visir.is/section/MEDIA99&fileid=VTVA7991BC9-7FBD-4469-A23D-0D458B0BAF0C

Föstudaginn 22. janúar sl. var haldið þorrablót á Hrafnistu í Reykjavík. Mjög góð þátttaka var á þorrablótinu og mikil ánægja meðal gesta.

Laddi var veislustjóri kvöldins og fór á kostum eins og honum einum er lagið. Halldór Blöndal, fyrrverandi ráðherra og forseti Alþingis, fór með minni karla og Kristín Guðjónsdóttir, íbúi á Hrafnistu, fór með minni kvenna.

Eftir matinn var svo slegið upp balli með Hauki Ingibergssyni.

Dagskrá kvöldsins var sjónvarpað á Hrafnisturásinni upp á deildar til þeirra sem ekki sáu sér fært að fara á sjálft blótið.

Meðfylgjandi eru myndir frá kvöldinu, sem tala sínu máli.

Á Hrafnistu í Hafnarfirði eru mánudagar stútfullir af gleði og dans eins og sést á meðfylgjandi myndum þar sem heimilisfólk nýtur gleðistundar í dansleikfimi undir handleiðslu Auðar Hörpu danskennara.

Hægt er að fanga stemninguna með því að smella á slóðina hér fyrir neðan:

https://www.facebook.com/handverksheimili/videos/1648519865411893/?theater