Þrír nýjir stjórnendur á Hrafnistu í Reykjanesbæ
 |
Guðlaug Gunnarsdóttir hefur verið ráðin hjúkrunardeildarstjóri á Hrafnistu Hlévangi. Guðlaug útskrifaðist úr hjúkrunarfræði frá Háskólanum á Akureyri 2009. Frá útskrift hefur Guðlaug starfað á Hlévangi, hjá Dvalarheimili aldraðra á suðurnesjum og svo hjá Hrafnistu Hlévangi eftir að Hrafnista tók við rekstrinum, lengst af sem aðstoðardeildarstjóri. Guðlaug hefur störf sem deildarstjóri 1. ágúst næstkomandi. Við bjóðum Guðlaugu velkomna í stjórnendahóp Hrafnistu. |
 | Guðfinna Eðvardsdóttir hefur verið ráðin aðstoðardeildarstjóri Hrafnistu Hlévangi frá 1. ágúst næstkomandi. Guðfinna starfaði sem læknaritari við Heilbrigðisstofnun Suðurnesja frá 1995 til 2005. Útskrifaðist sem hjúkrunarfræðingur B.Sc. frá Háskólanum á Akureyri árið 2009. Starfaði sem hjúkrunarfræðingur á Heilbrigðisstofnun Suðurnesja við heimahjúkrun og á lyf- og handlækningadeild 2009-2010. Kom til starfa á Hlévangi 2010 sem þá var rekið af Dvalarheimili aldraðra á suðurnesjum, Guðfinna hefur starfað hjá Hrafnistu frá því að Hrafnista tók við rekstrinum árið 2014. Jafnframt starfaði Guðfinna á Lærdal alders og sjukeheim í Noregi árið 2014. Samhliða hjúkrun hef hún starfað sem flugfreyja undanfarin ár. Í haust mun hún hefja diplomanám í stjórnun í heilbrigðisþjónustu við Háskólann á Akureyri. Við bjóðum Guðfinnu velkomna í stjórnendahóp Hrafnistu. |
 |
Edda Rún Halldórsdóttir hefur verið ráðin sem ræstingastjóri og ritari fyrir Hrafnistu í Reykjanesbæ. Edda útskrifaðist sem sjúkraliði frá Fjölbrautaskóla Suðurnesja vorið 2006. Edda hefur lokið grunnnámi í Háriðn. Edda hefur starfað hjá Hrafnistu frá því að Hrafnista tók við rekstri í Reykjanesbæ og þar áður hjá Dvalarheimili aldraðara á suðurnesjum frá árinu 2005. Edda tekur við starfinu þann 1. maí. Við bjóðum hana velkomna í stjórnendahóp Hrafnistu. |
