Fréttasafn

Eins og fram hefur komið greindist nýlega berklasmit á Hrafnistu Nesvöllum í Reykjanesbæ. Frá þeim tíma hefur verið unnið að nánari greiningum tilfella og í dag, 16. mars, var lagt berklapróf fyrir alla starfsmenn heimilisins í kjölfar jákvæðrar svörunar meðal tveggja starfsmannavið berklaprófi í hefðbundinni heilbrigðisskoðun.

Einnig er fyrirhugað að gera berklaprófanir hjá íbúum heimilisins og verða þeir ásamt ættingjum upplýstir um þá framkvæmd og hvenær hún fer fram. Þessir starfsferlar hafa verið unnir í fullu samráði við Heilbrigðisstofnun Suðurnesja og Göngudeild sóttvarna. Niðurstöður rannsókna sýna að enginn sem rannsakaður hefur verið er smitandi.

Göngudeild sóttvarna sinnir berklavörnum utan sjúkrahúsa og sér um smitrakningu í samvinnu við staðbundin heilbrigðisyfirvöld vaknigrunur um berklasmit. Berklar eru orsakaðir af bakteríu sem er næm fyrir sýklalyfjum. Nokkrum sinnum á ári vaknar grunur um berklasmit hér á landi. Hefst þá rakning á hugsanlegu smiti sem sérstaklega beinist að þeim sem gætu hafa verið í nánum samskiptum við viðkomandi.  

16. mars 2021.

Með kveðju frá Neyðarstjórn Hrafnistu.

Fyrir ári síðan eða þann 28. febrúar 2020 var merkisdagur í sögu Hrafnistu en þann dag opnaði hjúkrunarheimilið á Sléttuvegi með pompi og prakt að viðstöddu fjölmenni. Hjúkrunarheimilið er í eigu ríkissjóðs (85%) og Reykjavíkurborgar (15%) sem samdi við Sjómannadagsráð og Hrafnistu um reksturinn. Sjómannadagsráð og Hrafnista höfðu jafnframt umsjón með framkvæmdum, sáu um allan undirbúning, skipulagsmál, útboð og samninga við hönnuði, verktaka og birgja.

Heimilið er með rými fyrir 99 íbúa og þegar það var vígt í lok febrúar 2020 voru fjórir einstaklingar fluttir inn og áætlað hafði verið að í vikunni á eftir yrðu íbúarnir orðnir 30 talsins en með opnun hjúkrunarheimilisins var kærkomin fjölgun hjúkrunarrýma að veruleika því erfitt ástand í starfsemi Landspítala hafði ekki síst stafað af miklum skorti á slíkum rýmum.

En skjótt skipast veður í lofti því undir ræðuhöldum við opnun heimilsins fékk heilbrigðisráðherra, Svandís Svavarsdóttir, tilkynningu um það að fyrsta staðfesta Covid-19 smitið hefði greinst á Íslandi og framhaldið þekkjum við öll.

Vegna mikils viðbúnaðar á Landspítalanum vegna Covid-19 var sú ákvörðun tekin sunnudaginn 1. mars 2020 að spítalinn hefði forgang í þau hjúkrunarrými sem verið var að opna á Sléttuveginum og því þurfti starfsfólk á Sléttuvegi að setja sig í stellingar og hafa hraðar hendur við að taka á móti um 60 manns með litlum sem engum fyrirvara, sem lýsir ágætlega þeirri stöðu sem heilbrigðisstarfsfólk var í sl. ár. Stórar ákvarðanir og síbreytilegt umhverfi með litlum sem engum fyrirvara.

Að kvöldi dags, föstudaginn 6. mars 2020 sendi Hrafnista svo frá sér tilkynningu þess efnis að ákvörðun hefði verið tekin af neyðarstjórn Hrafnistu að banna allar heimsóknir til íbúa Hrafnistuheimilanna frá og með laugardeginum, 7. mars 2020. „Aldrei í 60 ára sögu Hrafnistu hefur viðlíka ákvörðun verið tekin.“  Segir jafnframt í tilkynningunni.

Þetta fyrsta ár hjúkrunarheimilisins á Sléttuvegi hefur því verið mjög frábrugðið því sem væntingar starfsfólks stóðu til við opnun heimilisins en starfsfólk, íbúar og aðstandendur hafa unnið þrekvirki við að halda starfseminni gangandi eins og önnur hjúkrunarheimili á landinu en horfa nú fram á bjartari tíma við að byggja upp starfsemina eins og vonir stóðu til fyrir sléttu ári síðan, með fjölbreyttum uppákomum og viðburðum og að geta nýtt alla þá skemmtilegu möguleika sem húsnæðið býður svo vel upp á.

Frétt frá 28. febrúar 2020 - Nýtt hjúkrunarheimili Hrafnistu fyrir 99 manns vígt í dag við Sléttuveg í Fossvogi

Neyðarstjórn Hrafnistu vill koma á framfæri að á heimilunum er til áætlun um viðbrögð ef til eldgoss kemur. Viðbrögðin snúa núna aðallega að öskufalli og loftmengun sem kunna að hljótast af mögulegu eldgosi. Almannavarnir hafa ítrekað að eldgos sem nú er líklegt, sé fjarri byggð og mikilvægt sé að fólk haldi ró sinni.

Mynd með frétt: Keilir á Reykjanesskaga 
mbl.is/Eggert Jóhannesson

Hrafnista lenti í 3.sæti í Lífshlaupi ÍSÍ 2021, bæði í heildina og eins hvað varðar tíma (mínútur) og skipti (fjölda daga) sem er frábær árangur.

Árið 2020 varð Hrafnista í 2.sæti í heildina með 1,79 daga og 127,22 mínútur

Núna í ár (2021) varð Hrafnista í 3.sæti í heildina með 3,19 daga og 238,29 mínútur sem eru frábærar framfarir!

Það voru þær Gígja Þórðardóttir sjúkraþjálfari og Steinunn Leifsdóttir íþróttafræðingur sem veittu viðurkenningunni viðtöku fyrir hönd Hrafnistu í hádeginu í dag.

Til hamingju starfsfólk Hrafnistu fyrir frábæra frammistöðu!

Kristrún Benediktsdóttir hefur verið ráðin hjúkrunardeildarstjóri á Hrafnistu Boðaþingi frá sumarbyrjun 2021.

Kristrún útskrifaðist sem hjúkrunarfræðingur frá Háskóla Íslands árið 2014. Hún hefur starfað á Hrafnistu Hraunvangi síðan haustið 2015 og tók við sem aðstoðardeildarstjóri á Ölduhrauni vorið 2020. Vorið 2020 lauk hún viðbótardiplómanámi í heilbrigðisvísindum með sérhæfingu í stjórnun í heilbrigðisþjónustu við Háskólann á Akureyri.

Kristrún er boðin hjartanlega velkomin í Boðaþingið.

Guðrún Zoega hefur verið ráðin hjúkrunardeildarstjóri á 1. og 3. hæð á Hrafnistu í Skógarbæ frá miðjum apríl 2021.

Guðrún útskrifaðist sem hjúkrunarfræðingur frá Háskóla Íslands árið 1995. Hún starfaði m.a. á lungnadeild og almennri skurðdeild á LSH í nokkur ár. Hún hefur starfað á Hrafnistu í Hraunvangi frá árinu 2008, var ráðin aðstoðardeildarstjóri á Bylgjuhrauni árið 2017 og síðan aðstoðardeildarstjóri á Ölduhrauni árið 2019. Síðastliðið ár hefur hún gengt deildarstjórastöðu á Báruhrauni. Guðrún starfaði á Skógarbæ árið 1999-2000.

Guðrún er boðin hjartanlega velkomin til starfa á Hrafnistu í Skógarbæ.

Það er ávallt mikið um dýrðir á Hrafnistuheimilunum á öskudaginn. 

Starfsfólk og íbúar klæða sig upp í búning eða setja upp hatta og verðlaun eru veitt fyrir flottasta búninginn á hverju heimili fyrir sig.  Á Hrafnistu í Hraunvangi var kötturinn sleginn úr „tunnunni“ að venju og Harpa danskennari hristi upp í mannskapnum.

Margar kunnuglegar hetjur mátti berja augum á Hrafnistuheimilunum í gær. Má þar nefna t.d. heilan flokk af ofurhetjum (sem við teljum alla starfsmenn hjúkrunarheimila svo sannarlega vera!), íþróttakempur af ýmsu tagi, kúreka, Súperman, Línu langsokk, Sollu stirðu og að sjálfsögðu sjálfan Sir Tom Moore, sem komst í heimsfréttirnar þegar hann safnaði gríðarlega miklu fjármagni til breska heilbrigðiskerfisins á síðasta ári. Blessuð sé minning hans.

Það er skemmtilegt að segja frá því að í tilefni af valentínusar-/ og konudeginum hafa íbúar á Hrafnistu Hraunvangi skrifað niður á hjartalaga miða það sem þau elska. Miðarnir hafa verið hengdir upp á vegg og útkoman er svo sannarlega mjög skemmtileg og gleður augað.

Meðfylgjandi myndir sem teknar voru á Hrafnistuheimilinum í gær tala sínu máli.

Fyrir um 20 árum síðan tóku Kópavogsbær og Sjómannadagsráð upp samstarf um skipulag nýs hverfis í Boðaþingi. Meginhugmyndinvar að skipuleggja þétta byggð sem sérstaklega yrði skipulögð með þarfir eldra fólksí Kópavogi í huga og varð afraksturinn nýtt deiliskipulag sem bærinn samþykktiárið 2005 með þjónustumiðstöð, hjúkrunarheimili, öryggisíbúðum og  almennum íbúðum fyrir 50 ára og eldri. Ætlunin var að reyna að skapa þétta byggðmeðnauðsynlegri þjónustu og félagsstarfi fyrir eldra fólkí nærumhverfisínu og gerðu hugmyndirnar ráð fyrirað Hrafnista myndi annastrekstur hjúkrunarheimilisins og kæmi auk þess að rekstriákveðinnar þjónustu í þjónustumiðstöðinni, sem síðar fékk nafnið Boðinn.

Eftir 2005, þegardeiliskipulagið hafði veriðsamþykkt,þróuðust hugmyndirnarum byggðina frekarí meðförum Kópavogsbæjar, Hrafnistu og Naustavarar og var deiliskipulagið aðlagað að þeim í kringum 2009með meðal annars veglegri þjónustumiðstöðmeð sundlaug sem Kópavogsbær tók að sér rekstur á, 88 rýma hjúkrunarheimili sem ríkið og Kópavogsbær byggðu og fólu Hrafnisturekstur þegar framkvæmdir hófust á fyrri áfanga þess með 44 rýmum. Þegar deiliskipulagið hafði veriðfullþróað seldi Kópavogsbær Sjómannadagsráðibyggingarrétt að lóðinni við Boðaþing 22-24, þar sem Naustavör byggði síðar fjölbýli með95 leiguíbúðum. Jafnframt hóf Sjómannadagsráð undirbúning að byggingu Boðans oghjúkrunarheimilisinsí samstarfi við ríkiðogfagfólk Hrafnistu og Naustavarar. Það varð til þess að þetta glæsilega hjúkrunarheimili var tekiðí notkun fyrir 10 árum síðan ásamt þjónustumiðstöð og leiguíbúðunumog eru byggingarnar þrjár samtengdar til að auðvelda íbúum og leigjendum aðgang að þjónustunni. Allri þessari starfsemi var komið á fót hratt og örugglega þrátt fyrir þá ringulreið sem ríkti í samfélaginu eftir bankahruniðsem skall á 2008.

Góð aðstaða

Aðstaðan í Boðaþingi er mjög góð í rólegu og friðsælu umhverfi í næsta nágrenni Elliðavatns. Í sambyggðri þjónustumiðstöðinni, Boðanum, fer fram ýmis starfsemi, s.s. dagdvöl Hrafnistu, tómstundir og afþreying ásamt rekstri sundlaugar, sem Sjómannadagsráð rak fyrstu árin samkvæmt sérstöku samkomulagi að ósk bæjarfélagsins. Hún er í dag bæði almenn laug fyrir eldri borgara og skólasundlaug auk þess sem þar fara fram sundnámskeið á vegum einkaaðila fyrir börn og fullorðna.

Boðinn gegnir lykilhlutverki

Í fjölbýli Naustavarar eru 95 sérhannaðar íbúðir fyrir eldra fólk sem nýtur greiðs aðgangs um undirgöng að þjónustu Boðans, sem gegnir öðrum þræði hlutverki félagsmiðstöðvar íbúa hjúkrunarheimilisins og eldri borgara í Boðaþingi og nágrannahverfunum í Kópavogi. Þar er notaleg aðstaða til að setjast niður og ræða málin yfir kaffibolla og meðlæti, lesa blöðin eða taka þátt í þeim dagskrárliðum sem í boði eru alla virka daga og njóta hádegisverðar með vinum og kunningjum.

Vísir að góðum lífsgæðakjarna

Þessi fjölbreytileiki og samþætting gerir það að verkum að heimilismenn og eldri íbúar í nærumhverfinu geta notið þjónustunnar í Boðaþingi sem við hjá Hrafnistu og Sjómannadagsráði viljum kalla vísi að góðum lífsgæðakjarna á borð við þann sem tekinn er til starfa við Sléttuveg í Fossvogi. Við segjum „vísir að góðum lífsgæðakjarna“ því að okkar mati er enn nokkuð í land til að kjarninn í Boðanum standi undir þeirri getu og væntingum sem gera þarf til lífsgæðakjarna á borð við starfsemina sem Hrafnista starfrækir við Sléttuveg fyrir Reykjavíkurborg. Hjá Sjómannadagsráði ríkir mikill vilji til að auka starfsemi og fjölbreytni þjónustunnar í Boðanum í þágu íbúa hjúkrunarheimilisins og eldri íbúa Kópavogs. Dæmi um viðbætur sem Sjómannadagsráð leggur áherslu á eru rekstur verslunar og kaffihúss, heilsuræktar og ýmissa annarra kosta sem mæta þörfum og óskum þeirra sem sækja þjónustu og afþreyingu í Boðaþingið. Sjómannadagsráð hefur áratugalanga reynslu af rekstri þjónustuþátta sem eru sérsniðnir að þörfum hagsmunahópsins og hefur áður líst sig tilbúið til að taka að sér rekstur Boðans með samningi við bæjaryfirvöld.

Síðari áfangi hjúkrunarheimilisins

Í lok árs 2016 var undirritað samkomulag ríkis og Kópavogsbæjar um stækkun hjúkrunarheimilisins um 64 rými og stóð þá til að starfsemin hæfist 2018. Þrátt fyrir ítrekaða eftirfylgni frá 2016 til að þoka málum áfram um stækkun heimilisins gerðist lítið fyrr en í nóvember síðastliðnum þegar ríki og bær undirrituðu nýtt samkomulag sama efnis og 2016 sem gerir ráð fyrir að starfsemi í síðari áfanganum hefjist 2024. Alla tíð frá aldamótum hefur Sjómannadagsráð lagt krafta sína í það að berjast fyrir fullbúnu hjúkrunarheimili í Boðaþingi. Fyrri áfangi þess með aðeins 44 rýmum hefur nú verið í notkun í áratug, en heimilið er þungt í rekstri og ekki nægilega stórt til að styðja við aðra þjónustu í Boðanum.  Sjómannadagsráð bindur vonir við að með tilkomu síðari áfanga hjúkrunarheimilisins verði hægt að halda áfram á þeirri þróunarbraut sem upphaflega var lagt af stað með, í góðu samstarfi við ríkið og Kópavogsbæ.

Hálfdan Henrýsson, formaður Sjómannadagsráðs

Sigurður Garðarsson, framkvæmdastjóri Sjómannadagsráðs

María Fjóla Harðardóttir, forstjóri Hrafnistu