41 / 48
41
H r a f n i s t u b r é f
að hafa gert íbúðina upp sem var
við Hverfisgötu. Kolbrún hóf fyrst
störf hjá Símanum í Reykjavík, en
starfaði víðar á lífsleiðinni, svo
sem Bæjarleiðum, Hagkaupum
og svo hjá Hrafnistu í Reykjavík
allt þar til hún hætti störfum á
vinnumarkaði.
Fyrst eftir að þau hjónin fluttu
suður fór Hjalti á sjóinn þegar
hann fór tvo túra með Jökulfellinu
með fisk til Bandaríkjanna. „Það
var áhugavert. Við fórum fyrst
á nánast allar hafnir hringinn í
kringum landið til að taka fisk.
Síðan var endað í Reykjavík aft-
ur þar sem við stoppuðum í tvo
daga og svo var siglt vestur um
haf. Í fyrri túrnum var ég bara
í viðhaldsvinnu um borð. Tók
meðal annars skipstjóraíbúð-
ina alveg í gegn og pússaði við-
arhandriðin um borð og var bara
í þessu. Í seinni túrnum var ég
háseti.“ Hjalti starfaði hjá ýms-
um aðilum á starfsævi sinni, síð-
ast hjá Kambsbræðrum sem ráku
byggingafélagið Kamb, sem þeir
kenndu við æskuheimili sitt, bæ-
inn Kamb í Skagafirði. Um alda-
mótin varð Hjalti að hætta dag-
legri þátttöku á vinnumarkaði
vegna heilsubrests. „Við fluttum
eftir nokkur ár af Hverfisgötu í
íbúð sem við keyptum í Stíflu-
seli 11 og þar vorum við í 24 ár.
Það var þá sem ég fékk mér hest-
ana sem ég var með í um 20 ár. Þá
var ég hættur að geta farið á bak
vegna hnémeiðsla. Svo seldum
við Stífluselið og keyptum nýlega
íbúð í Berjarima 6. Þar bjuggum
við í nokkur ár eða allt þar til við
fluttum hingað í Boðaþingið enda
heilsan farin að bila meira og
meira. Hér er allt til alls, mjög góð
þjónusta og annað. Kollu finnst
hún vera dálítið afsíðis hérna upp
frá, og það er alveg rétt, við erum
nánast á mörkum sveitar eins og
náttúran í kring ber með sér. Hér
er hestafólk á sveimi, Elliðavatn í
næsta nágrenni og falleg náttúra
og göngustígar sem gera manni
kleift að njóta þess besta,“ segir
Hjalti.
n
Skagfirðingabraut 6.
Freyjugata 22.