Ráðstefnan Öldrunarþjónusta á gervigreindaröld: Nýsköpun í öldrunarþjónustu og aukin lífsgæði aldraðra verður haldin í Norðurljósasal Hörpu, fimmtudaginn 10.apríl 2025. Ráðstefnan fjallar um þær áskoranir sem við stöndum frammi fyrir nú þegar þjóðin er að eldast og hvaða tækifæri og lausnir hægt er að vinna með, sérstaklega lausnir í tengslum við tækniþróun og forvarnir. Ráðstefnan er á vegum Sjómannadagsráðs, Hrafnistu og DAS íbúða.
Fjallað verður um:
– Tækniþróun í heilbrigðiskerfinu, þá sérstaklega gervigreindina og hvernig hún mun létta störf í umönnun.
– Heilbrigða öldrun og gott heilsufar eldri borgara. Hvernig hægt er að hlúa betur að heilsu þjóðar sem er að eldast með öflugum forvörnum.
– Velferðartækni í þróun og hvernig tæknin sér til þess að fólk geti búið lengur heima hjá sér og sé sjálfbjarga sem lengst.
– Lífsgæðakjarna og hvernig þeir styðja við sjálfstæða búsetu eldri borgara.
Þjóðin er að eldast og því brýnt að huga að þessu mikilvæga málefni sem snertir okkur öll og horfa á tækifæri framtíðarinnar.
Miðasala er á tix.is
