Í nýlegu viðtali við Lifðu núna er rætt við Guðbjörgu Maríu Árnadóttur deildarstjóra í dagendurhæfingu á Hrafnistu Laugarási.
„Dagendurhæfing fyrir eldri borgara á Hrafnistu veitir vel skipulagða þjónustu fyrir fólk sem þarf að ná upp fyrri getu eða byggja upp hreysti eftir veikindi eða byltu. Skjólstæðingar eru sóttir að morgni og keyrðir til baka síðdegis. Markmiðið með endurhæfingunni er að einstaklingur auki og viðhaldi færni og geti verið áfram í sjálfstæðri búsetu að henni lokinni. Dagskrá hvers og eins er sniðin að þörfum hans og getu hverju sinni.“
Viðtalið við Guðbjörgu birtist á lifdununa.is. Lesa nánar hér.
Hvað er dagendurhæfing?
Dagendurhæfing er skilgreind sem tímabundið endurhæfingarúrræði fyrir eldri borgara með áherslu á að styrkja líkamlega, andlega og félagslega færni, með það að markmiði að viðhalda og auka sjálfstæða búsetu einstaklinga.
Hún er ætluð sem 8–10 vikna úrræði, með 3–5 heimsóknum á viku.
Hvað felst í dagskránni?
Fyrstu dagarnir eru notaðir til að kynnast þátttakandanum og móta einstaklingsmiðaða dagskrá sem snýr að:
Líkamleg þjálfun: Sjúkraþjálfarar og iðjuþjálfar bjóða upp á einstaklingsmiðaða meðferð eða hópþjálfun í tækjasal.
Iðjuþjálfun og félagsstarf: Lögð er áhersla á daglega athafna- og félagsgetu, sem og fræðslu af ýmsu tagi.
Hverjum er þessi þjónusta ætluð?
Þeir sem eru 67 ára og eldri og búa heima geta sótt um hér.
Dagendurhæfing er eingöngu í boði á Hrafnistu Laugarási í Reykjavík.
Hvers konar ávinningur?
Markmiðið er að efla sjálfstæða búsetu með líkamlegri, félagslegri og andlegri endurhæfingu.
Tekur á einangrun með félagsstarfi og styrkir sjálfsbjargargetu einstaklinga í daglegu lífi .
