12
H r a f n i s t u b r é f
Árlega leggja félagar í karlakórn-
um Heimi í Skagafirði í helgarferð
ásamt eiginkonum sínum til suð-
vesturhornsins. Í helgarferðinni sl.
vor hélt kórinn tvenna stórtónleika
fyrir sunnan, m.a. í Hljómahöllinni
í Reykjanesbæ, sem er í næsta húsi
við Hrafnistu þar í bæ, og í Graf-
arvogskirkju í Reykjavík, í báðum
tilvikum við feykigóðar undirtekt-
ir. En kórinn lét ekki þar við sitja
því hann kom einnig fram á sex
öðrum stöðum, m.a. á Hrafnistu í
Reykjavík strax að loknum tónleik-
unum í Grafarvogi. Á Hrafnistu
sungu Heimismenn fyrir fullum
sal. Í helgarlok flýttu kórfélagar sér
heim í kapphlaupi undan djúpri
lægð af Grænlandssundi sem nálg-
aðist suðvesturströndina og náði
lægðin heimaslóðum kórfélaga þá
um nóttina þar sem hún olli millj-
ónatjóni í firðinum. En Heimir lét
það ekki á sig fá heldur hóf þegar
strangar æfingar fyrir hátíð Sælu-
vikunnar sem framundan var.
n
Karlakórinn Heimir
gladdi Hrafnistumenn