Dagurinn byrjaði á því að íslenski fáninn var dreginn að húni. Elsa, starfsmaður í félagsbæ, spilaði á nikkuna í sólinni og sagði sögur. Í hádeginu var boðið upp á kótilettur með öllu tilheyrandi og afmælisköku í kaffinu. Sunginn var afmælissöngur til heimilisins og allir tóku undir.
Íbúar og starfsfólk fagna hverju ári og eru þakklát fyrir að Skógarbær sé gott heimili og góður vinnustaður.
Til hamingju með afmælið Skógarbær!
Meðfylgjandi myndir voru teknar á afmælishátíðinni sl. föstudag.