Fréttasafn

Í desember sl. hélt starfsfólk sjúkraþjálfunar á Hrafnistu í Hafnarfirði hið árlega sérrísund. Söngkonan Guðrún Árný Karlsdóttir spilaði og söng jólalög við góðar undirtektir viðstaddra.

Fjarðarpósturinn kíkti við og tók nokkrar skemmtilegar myndir sem hægt er að skoða með því að smella á linkinn hér fyrir neðan.

http://fjardarposturinn.is/saela-og-songur-i-serrisundi/

Stjórn Sjómannadagsráðs og stjórnendur Hrafnistuheimilanna senda heimilisfólki, aðstandendum og starfsfólki Hrafnistuheimilanna sínar bestu óskir um gleðileg jól og farsæld á nýju ári. Með þakklæti fyrir ánægjulega samveru og góða samvinnu og samstarf á árinu sem er að líða.

Hildur Markúsdóttir, útibússtjóri Arion banka í Hafnarfirði, afhenti í gær Hrafnistu í Hafnarfirði glæsilega gjöf fyrir hönd bankans. Gjöfin er stórt málverk eftir hafnfirska listamanninn og rannsóknarlögreglumanninn Svein Björnsson, sem gerði sjósókn góð skil í verkum sínum.

Hálfdan Henrysson, stjórnarformaður Sjómannadagsráðs tók við gjöfinni og þakkaði Arion banka fyrir þessa höfðinglegu gjöf.

Á meðfylgjandi mynd eru frá vinstri: Hálfdan Henrysson stjórnarformaður Sjómannadagsráðs, Árdís Hulda Eiríksdóttir forstöðumaður Hrafnistu í Hafnarfirði, Hildur Markúsdóttir frá Arion banka og Pétur Magnússon forstjóri Hrafnistu. 

Fjarðarfréttir voru á staðnum og tók skemmtilegar myndir frá afhendingunni. Þær má skoða með því að smella á linkinn hér fyrir neðan.

http://www.fjardarfrettir.is/frettir/mannlif/gaf-hrafnistu-stort-malverk-eftir-svein-bjornsson  

Irena Breiviene, starfsmaður í býtibúri á Ölduhrauni Hrafnistu í Hafnarfirði, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Hrönn Önundardóttir deildarstjóri á Ölduhrauni, Irena og Pétur Magnússon forstjóri Hrafnistu.

Elínborg Jóhannsdóttir, sjúkraliði á Bylgjuhrauni Hrafnistu í Hafnarfirði, hefur starfað á Hrafnistu í 35 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Starfsfólk Nesvalla ákvað að nýta flöskusjóðinn vel fyrir þessi jól og færði íbúum Nesvalla sparistell að gjöf á dögunum.

Hrafnista í Reykjanesbæ hélt sitt árlega jólaball fyrir starfsfólk sunnudaginn 17. desember sl. Rúmlega hundrað manns mættu á ballið og hélt leikhópurinn Lotta uppi miklu fjöri.

Það var mikið um dýrðir á Hrafnistu í Hafnarfirði í gær þegar meðlimir úr Sinfóníuhljómsveit Íslands​ héldu tónleika fyrir heimilisfólk. Sjónvarpað var upp á hjúkrunardeildar frá tónleikunum í gegnum Hrafnisturásina svo að allir gætu notið. Dagskráin samanstóð af klassískum jólaperlum sem kom öllum svo sannarlega i jólaskapið og heimilisfólkið naut afskaplega vel.

Við þökkum kærlega fyrir þessa góðu heimsókn.

Með því að smella á slóðirnar hér fyrir neðan er hægt að hlýða á nokkra tóna sem spilaðir voru í gær.

https://www.facebook.com/handverksheimili/videos/1947059008891309/

https://www.facebook.com/handverksheimili/videos/1947060235557853/