 |
| | |  |
Föstudaginn 15. mars sl. voru 5 ár frá því að Hrafnista Nesvellir í Reykjanesbæ opnuðu með pomp og prakt. Því var að sjálfsögðu fagnað og strax á föstudagsmorgun var lambahryggur settur í ofninn á öllum deildum svo að ilmurinn var ansi lokkandi í öllu húsinu. Í hádeginu var spiluð ljúf tónlist, dúkað upp og sparistellið lagt á borð og blásið til veislu. Lambahryggur með öllu tilheyrandi og ís í eftirrétt. Yndisleg samverustund sem allir nutu vel.
Það var heldur betur fjölmennt í leikfiminni á Hrafnistu Hraunvangi sl. föstudag. Í föstudags tímunum er svokallað ,,bland í poka’’ þar sem dregið er hvaða þema verður hverju sinni og eru tímarnir öðruvísi en vanalega. Á föstudaginn var spánarþema þar sem fólk var ýmist sumarklædd eða með sumarskraut. Það var svakalegt stuð, bæði sungið og dansað.
Meðfylgjandi myndir voru teknar í föstudagsleikfiminni.
Þann 12. mars sl. kom Suðurhlíðarskóli í heimsókn á Hrafnistu Hraunvangi Hafnarfirði. Krakkarnir skiptust á að syngja og spila á píanóið. Þetta var mjög skemmtileg heimsókn og þökkum við þeim kærlega fyrir komuna.
Eftir hádegið var svo opnunarsýning á málverkum eftir Sævar og Söru, en þau eru bæði í dagdvöl á heimilinu. Skálað var í bleikum drykk og barnabarn Sævars söng fyrir gesti. Að lokum tók Guðmundur heimilismaður lag í lokin.
Málfríður Arna Arnórsdóttir, sjúkraliði á Sjávar- og Ægishrauni Hrafnistu Hraunvangi, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Hjördís Ósk Hjartardóttir, Lilja Björgvinsdóttir sem átti 5 ára starfsafmæli, Málfríður, Pétur Magnússon forstjóri og Árdís Hulda Eiríksdóttir forstöðumaður Hrafnistu Hraunvangi.
Thomas Meuser forstjóri „Center for Excellence in Aging and Health at the University of New England in Portland, Maine, USA“ hélt fyrirlestur fyrir starfsfólk Hrafnistu í dag. Thomas er sálfræðingur að mennt og hefur sérhæft sig í öldrunarfræðum. Fyrirlestur hans var um arfleifð og kynslóðir: „Legacy Beliefs across Generations: Perspectives on Family Sharing.“
Það var góð mæting og frábærar umræður, hér eru nokkrar myndir og einnig skilgreining Toms um arfleifð (legacies):
„All people have meaningful impacts on the lives of others and the world around them. Some of these impacts live on after death; these are called legacies.“
Sonja Sigríður Gylfadóttir, starfsmaður í borðsal og eldhúsi Hrafnistu Hraunvangi Hafnarfirði, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Árdís Hulda Eiríksdóttir forstöðumaður Hrafnistu Hraunvangi, Hrönn Benediktsdóttir deildarstjóri í borðsal og eldhúsi, Sonja Sigríður og Pétur Magnússon forstjóri Hrafnistu.
Í gærkvöldi var fyrsta kráarkvöld ársins haldið í Menningarsalnum á Hrafnistu Hraunvangi í Hafnarfirði. Bæjarhrafnarnir spiluðu fyrir dansi og héldu uppi stuðinu.
Það var líf og fjör á Hrafnistuheimilinum í dag, á sjálfan öskudaginn. Heimilisfólk tók virkan þátt í deginum með því að bera höfuðfat og sumir íbúar og gestir dagdvalar brugðu sér meira að segja í búning. Eftir hádegið í dag söng Guðrún Árný fyrir íbúa og starfsfólk í Menningarsalnum á Hrafnistu Hraunvangi í Hafnarfirði í dag. Fjölmennt var í salnum eins og myndirnar sýna og þökkum við henni kærlega fyrir komuna.
Það er ávallt mikið um dýrðir á Hrafnistuheimilunum á öskudaginn.
Meðfylgjandi myndir tala sínu máli.
Síða 75 af 176
