Björgólfur Guðbjörnsson hefur verið ráðinn framkvæmdastjóri upplýsingatækni og stafrænnar þróunar hjá Hrafnistu.
Björgólfur hefur síðastliðin ellefu ár gegnt stjórnunarhlutverkum hjá Origo og leitt þar fjölbreytt verkefni á sviði upplýsingatækni, hugbúnaðarþróunar, stefnumótunar og stafrænnar umbreytingar. Í þeim störfum hefur hann unnið náið með stjórnendum, sérfræðingum og viðskiptavinum að lausnum sem bæta þjónustu, styðja upplýsta ákvarðanatöku og skapa raunverulegt virði, jafnt fyrir notendur sem rekstur. Þá býr hann að traustri og víðtækri reynslu af breytingastjórnun, uppbyggingu teyma og innleiðingu nýrra kerfa.
Við hlökkum til að njóta reynslu, þekkingar og krafta Björgólfs í áframhaldandi þróun og eflingu starfsemi Hrafnistu og bjóðum hann hjartanlega velkominn til starfa.
