Aðstoðarmaður sjúkraþjálfara – Sléttuvegur

Hrafnista Sléttuvegi óskar eftir að ráða skipulagðan og sjálfstæðan einstakling til aðstoðar við sjúkraþjálfara í Sjúkra- og iðjuþjálfunarteymið á heimilinu.

Viðkomandi kemur til með að starfa undir leiðsögn deildarstjóra og sjúkraþjálfara í samvinnu við íþróttakennara í tækjasal og á deildum og í nærumhverfi heimilisins.

Um 80% stöðu er að ræða.

Helstu verkefni og ábyrgð

• Aðstoða sjúkraþjálfara og íþróttakennara við störf þeirra
• Framfylgja þjálfunaráætlun sjúkraþjálfara við íbúa
• Halda utan um rekstrarvörur deildarinnar
• Teymisvinna
• Önnur tilfallandi verkefni

Menntunar- og hæfniskröfur

• Góð samskiptahæfni
• Frumkvæði og sjálfstæði
• Jákvæðni og þjónustulund
• Íslenskukunnátta skilyrði

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna. 

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Frekari upplýsingar veitir Anna Margrét Guðmundsdóttir deildarstjóri sjúkra- og iðjuþjálfunar (anna.gudmundsdottir@hrafnista.is)