Hjúkrunardeildarstjóri – Hrafnista Hraunvangi

Stærsta hjúkrunarheimili landsins óskar eftir að ráða til sín hjúkrunardeildarstjóra til starfa. Deildarstjóri er leiðtogi í hjúkrun og þjónustu við íbúa og stjórnandi mannauðs á deildinni. Deildarstjóri fer með allan daglegan rekstur á 45 íbúa hjúkrunardeild. Á deildinni starfa um 85 manns. Á Hrafnistu Hraunvangi eru fjórar hjúkrunardeildar og stjórnendur deildanna starfa náið saman ásamt forstöðumanni.

Deildarstjóri er hluti af stjórnendahópi Hrafnistu

Helstu verkefni og ábyrgð

• Dagleg stjórnun og rekstur hjúkrunardeildar
• Skipulag á störfum starfsfólks í samræmi við þarfir þjónustuþega
• Ábyrgð á faglegri hjúkrun og gæðum í þjónustu
• Skipulagning og þróun þjónustu í samvinnu við forstöðumann
• Ráðgjöf, samskipti og fræðsla til íbúa og aðstandenda
• Þverfagleg teymisvinna innan heimilis og þvert á Hrafnistu

Menntunar- og hæfniskröfur

• Íslenskt hjúkrunarleyfi
• Reynsla af stjórnun kostur
• Reynsla af RAI mælitækinu kostur
• Frumkvæði, jákvæðni og faglegur metnaður
• Framúrskarandi samskiptahæfileikar 

Fríðindi í starfi

• Heilsuræktarstyrkur
• Sími og net greitt af vinnuveitanda
• Samgöngustyrkur með strætó
• Virk sí- og endurmenntun 
• Stuðningur til starfsþróunar í formi leyfa á launum og námstyrkja
• Við bjóðum upp á jákvæðan og skemmtilegan starfsanda, áhugaverð verkefni og starf sem er í sífelldri þróun.

Hrafnista rekur sjö hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslurnar eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Allar frekari upplýsingar veitir Hjördís Ósk Hjartardóttir, forstöðumaður Hrafnistu Hraunvangi (hjordis.hjartardottir@hrafnista.is).