Hjúkrunarnemi – hlutastarf með skóla í haust

Hrafnista á Sléttuvegi óskar eftir að ráða til sín hjúkrunarnema eða sjúkraliða í hlutastarf frá ágúst/september. Viðkomandi gengur í hlutverk vaktstjóra aðra hvora helgi, 25-30% starfshlutfall. Nemar sem lokið hafa lyfjafræði geta tekið hjúkrunarvaktir undir leiðsögn hjúkrunarfræðings.

Helstu verkefni og ábyrgð

• Veita og skrá hjúkrunarmeðferð með tilsögn frá reyndum hjúkrunarfræðingi
• Ábyrgð á eftirliti með lyfjagjöfum heimilisfólks
• Almenn aðhlynning
• Önnur tilfallandi verkefni
• Vaktstjórn

Menntunar- og hæfniskröfur

• Hafa lokið a.m.k. einu ári í hjúkrunarfræði
• Góð færni í samskiptum
• Sjálfstæði og stundvísi
• Jákvæðni og metnaður í starfi

Aðrar upplýsingar:

Hrafnista rekur sjö hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Hrafnista er símalaust heimili. Með símalausum heimilum leggjum við áherslu á aukið öryggi og bætta þjónustu við íbúa, aðstandendur og aðra þjónustuþega.

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Frekari upplýsingar veitir Anna María Bjarnadóttir, deildarstjóri Foss (anna.bjarnadottir@hrafnista.is).