Verkefnastjóri á hjúkrunardeild – Laugarás

Hrafnista Laugarási óskar eftir að ráða til sín verkefnastjóra á hjúkrunardeild í 100% starfshlutfall.

Verkefnastjóri á hjúkrunardeild vinnur náið með stjórnendum heimilisins (forstöðumanni, deildar- og aðstoðardeildarstjóra), sinnir vaktaskýrslugerð, aðstoðar við ráðningar og móttökuferli á nýju starfsfólki auk þess að sinna fjölbreyttum verkefnum sem til falla á deildunum og heimilinu öllu.

Við leitum að jákvæðum, sjálfstæðum og skipulögðum einstaklingi sem er tilbúinn til að takast á við fjölbreytt verkefni í skemmtilegu og lifandi umhverfi.

Helstu verkefni og ábyrgð:

• Gerð vaktaskýrslna og eftirlit með tímaskráningum
• Aðkoma að ráðningum og móttöku nýs starfsfólks sem og fræðslu
• Eftirlit og skráning á orlofi, vinnuskyldu og þ.h.
• Kenna starfsfólki á My time plan vaktakerfið
• Greiningarvinna (t.a.m. með veikindahlutföll og þ.h.)
• Móttaka og eftirfylgni með nýju heimilisfólki
• Önnur tilfallandi verkefni

Menntunar- og hæfniskröfur:

• Reynsla af vaktaskýrslugerð eða haldbær reynsla í vaktavinnu á hjúkrunardeild kostur
• Reynsla af Mytimeplan vaktakerfi kostur
• Menntun sem nýtist í starfi kostur
• Mjög góð tölvufærni nauðsynleg
• Jákvæðni, sjálfstæði og góðir samskiptahæfileikar
• Nákvæmni og skipulagshæfni
• Góð greiningarhæfni
• Þekking á kjarasamningum er kostur

Aðrar upplýsingar:

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.