Verkefnastjóri á hjúkrunardeild – Nesvellir

Hrafnista Nesvöllum óskar eftir að ráða til sín verkefnastjóra á hjúkrunardeild í 100% starfshlutfall.

Verkefnastjóri á hjúkrunardeild vinnur náið með deildarstjórum og forstöðumanni og sinnir vaktaskýrslugerð, aðstoðar við ráðningar og móttökuferli á nýliðum auk þess að sinna fjölbreyttum verkefnum sem til falla á deildunum og heimilinu öllu.

Framundan eru spennandi tímar á Nesvöllum en í vetur fer heimilið úr einni deild með 60 íbúa í þrjár deildir með samtals 140. Um leið flytja íbúar á Hrafnistu Hlévangi yfir á Nesvelli.

Stefnt er á að nýjar deildir verði teknar í notkun undir lok árs og leitum við því að öflugum aðila til að taka þátt í þessu skemmtilega verkefni með okkur.

Við leitum af jákvæðum, sjálfstæðum og skipulögðum einstaklingi sem er tilbúinn til að takast á við fjölbreytt verkefni í skemmtilegu og lifandi umhverfi.

Helstu verkefni og ábyrgð:

• Gerð vaktarskýrslna og eftirlit með tímaskráningum
• Eftirlit og skráning á orlofi, vinnuskyldu og þ.h.
• Aðstoð við ráðningar og móttöku nýs starfsfólks
• Fjölbreytt verkefni sem snúa að starfsemi heimilisins
• Almenn ritarastörf og önnur tilfallandi verkefni

Menntunar- og hæfniskröfur:

• Reynsla af vaktaskýrslugerð eða haldbær reynsla í vaktavinnu á hjúkrunardeild kostur
• Menntun sem nýtist í starfi kostur
• Góð tölvufærni nauðsynleg
• Jákvæðni, sjálfstæði og góðir samskiptahæfileikar
• Nákvæmni og skipulagshæfni
• Góð greiningarhæfni
• Þekking á kjarasamningum er kostur

Fríðindi í starfi:

• Samgöngustyrkur
• Heilsuræktarstyrkur
• Heitur matur í hádeginu
• Fjölskylduvænt og sveigjanlegt starfsumhverfi

Aðrar upplýsingar:

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Allar nánari upplýsingar veitir Þuríður Ingibjörg Elísdóttir forstöðumaður heimilisins (thuridur.elisdottir@hrafnista.is).