Tækniaðstoð

Hrafnista er á fleygiferð í innleiðingu á fjölbreyttri nýrri tækni. Til að styðja við það óskum við eftir þjónustumiðuðum aðila til að styðja við tækniþjónustu Hrafnistu og tendra félaga. Um er að ræða fjölbreytt og spennandi starf þar sem viðkomandi þarf að hafa brennandi áhuga á tækni og vera viljugur til að læra nýja hluti og innleiða nýjar tæknilausnir. Starfið krefst þess að viðkomandi sé á ferðinni á milli starfsstöðva.

Helstu verkefni og ábyrgð

• Eftirfylgni með þjónustu við innri kerfi ásamt samskiptum við þjónustuaðila
• Umsýsla farsíma (Samsung Knox)
• Yfirsýn og þjónusta á öllum Hrafnistuheimilunum
• Þátttaka í innleiðingum á kerfum
• Miðlun á upplýsingum til notenda
• Aðstoð við gerð á handbóka
• Utanumhald pantana frá stjórnendum á tölvubúnaði o.þ.h.

Menntunar- og hæfniskröfur

• Framúrskarandi þjónustulund og jákvæðni
• Nám sem nýtist í starfi t.a.m. tækni og/eða kerfisstjórnunarnám
• Haldgóð þekking og reynsla af upplýsingatækni
• Góð þekking og reynsla af Microsoft umhverfi
• Sjálfstæði, frumkvæði og lausnamiðuð hugsun
• Framúrskarandi hæfni í samvinnu og samskiptum
• Vilji til að læra og þróast í starfi
• Þekking og reynsla á powerapps er kostur
• Reynsla í verkefnastjórnun er kostur

Viðkomandi þarf að hafa aðgang að bifreið en greitt er fyrir akstur.

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Frekari upplýsingar um starfið veitir Oddgeir Reynisson, framkvæmdastjóri rekstrarsviðs, oddgeir.reynisson@hrafnista.is.