Sumarstarf í eldhúsi – Hrafnista Nesvellir (Reykjanesbær)

Hrafnista Nesvellir í Reykjanesbæ óskar eftir að ráða sumarstarfsfólk í eldhúsið. Um fullt starf er að ræða í dagvinnu og auk þess er ca. önnur hver helgi.

Virkilega spennandi tímar eru framundan á Nesvöllum en í desember fer heimilið úr einni deild með 60 íbúa í þrjár deildir með samtals 140. Því fylgja ótal verkefni og því er mikill kostur ef viðkomandi er að leita sér að framtíðarstarfi og er til í að vera sveigjanlegur og taka að sér önnur verkefni frá hausti fram að opnun nýju deildanna.

Helstu verkefni og ábyrgð:

• Aðstoða við matseld og undirbúning
• Frágangur og þrif
• Önnur tilfallandi verkefni

Menntunar- og hæfniskröfur:

• Frumkvæði og sjálfstæði
• Góðir samskiptahæfileikar
• Reynsla af sambærilegu starfi kostur

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.