Starfsmaður í Viðey dagþjálfun – Laugarás

Hrafnista Laugarási óskar eftir að ráða einstakling til starfaá deildina Viðey sem sér um að þjónusta einstaklinga með heilabilunarsjúkdóma

Meginmarkmið starfsemi deildarinnar er að rjúfa einangrun skjólstæðinga sinna sem og að efla þá í að taka þátt í daglegum athöfnum, þjálfa hug og hönd eins og geta hvers og eins býður.

Áhersla er lögð á að gera einstaklingnum kleift að búa heima og viðhalda sjálfsbjargargetu með því að bjóða upp á örvandi og hvetjandi starfssemi.

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Starfshlutfall er samkomulagsatriði.

Helstu verkefni og ábyrgð:

• Styðja, leiðbeina og hvetja skjólstæðinga í leik og starfi
• Samskipti við fjölskyldur skjólstæðinga
• Taka þátt í utanumhaldi á félagsstarfi, sbr. upplestri, föndri, leikfimi o.þh.
• Aðstoða við umsjón á vinnustofu, þar sem fer fram ýmis konar handavinna þar sem er t.a.m. prjónað, heklað, málað og teiknað
• Aðstoða við persónulegt hreinlæti

Menntunar- og hæfniskröfur:

• Góð samskiptahæfni
• Kostur ef viðkomandi hefur áhuga á handavinnu og hefur áhuga á að efla/hvetja skjólstæðinga í því starfi.
• Þolinmæði og sveigjanleiki
• Frumkvæði og sjálfstæði í starfi
• Reynsla á sambærilegu starfi kostur
• Kostur ef viðkomandi er með reynslu í myndlist, handavinnu og/eða tónlist.

Aðrar upplýsingar:

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Frekari upplýsingar veitir Guðlaug Helga Helgadóttir, deildarstjóri á Viðey (gudlaug.helgadottir@hrafnista.is).