Starfsmaður í borðsal og þjónustumiðstöð – Hrafnista Hraunvangi

Hrafnista Hraunvangi óskar eftir að ráða þjónustulundaðan einstakling í borðsal og þjónustumiðstöð. Um er að ræða 80-100% starfshlutfall í dagvinnu.

Í þjónustumiðstöðinni er boðið upp á mat í hádeginu og fjölbreytta þjónustu. Þjónustumiðstöðin þjónustar fjölbreyttan hóp, m.a. aðila sem eru í sjálfstæðri búsetu, dagdvalargesti Hraunvangs og hluta af íbúahópnum á hjúkrunarheimilinu.

Helstu verkefni og ábyrgð

• Framreiðsla og undirbúningur á veitingum
• Almenn afgreiðsla
• Samvinna við starfsfólk dagdvalar og hjúkrunarheimilisins
• Frágangur og þrif
• Önnur tilfallandi verkefni

Menntunar- og hæfniskröfur

• Reynsla af sambærilegu starfi kostur
• Frumkvæði, heiðarleiki og sjálfstæði
• Framúrskarandi samskiptahæfileikar
• Heiðarleiki og jákvæðni
• Íslenskukunnátta skilyrði

Hrafnista rekur sjö hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Allar nánari upplýsingar um starfið veitir Laufey Sigrún Sigmarsdóttir (laufey.sigmarsdottir@hrafnista.is).