Sjúkraliðar með viðbótardiplóma – Hrafnista Nesvellir

Hrafnista Nesvellir óskar eftir metnaðarfullum og skipulögðum sjúkraliða með viðbótardiplóma. Um er að ræða fjölbreytt og skemmtilegt starf sem krefst sjálfstæðra vinnubragða. Markmið starfsins er að veita íbúum hjúkrun í samræmi við sýn og stefnu Hrafnistu.

Sjúkraliðar með viðbótardiplóma standa vaktir með hjúkrunarfræðingum þar sem hæfni þeirra og færni er nýtt til fulls miðað við reglugerð.

Starfshlutfall er samkomulagsatriði og kostur er ef viðkomandi getur hafið störf sem fyrst.

Helstu verkefni og ábyrgð

• Vaktstjórn
• Sinnir verkefnum m.v. núverandi reglugerð sjúkraliða með viðbótardiplóma 
• Hefur umsjón með ákveðnum verkefnum
• Leiðbeinir og styður við almennt starfsfólk sem sinnir umönnun íbúa, sjúkraliðum og félagsliðum
• Aðstoða við endurhæfingu íbúa
• Teymisvinna

Menntunar- og hæfniskröfur

• Starfsleyfi sjúkraliða og viðbótardiplóma
• Góðir samskiptahæfileikar og jákvætt viðmót
• Sveigjanleiki og sjálfstæð vinnubrögð
• Frumkvæði og metnaður í starfi
• Þekking á RAI mælitækinu er kostur
• Reynsla af starfi með öldruðum er kostur

Hrafnista rekur sjö hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Allar nánari upplýsingar veitir Þuríður Ingibjörg Elísdóttir, forstöðumaður (thuridur.elisdottir@hrafnista.is)