Matartæknir – Sumarafleysing – Hrafnistu Laugarási

Hrafnista Laugarási óskar eftir öflugum matartækni í sumarafleysingu í framleiðslueldhús Hrafnistuheimilanna. Framreiðslueldhúsið í Laugarási sér um mat fyrir öll Hrafnistuheimili höfuðborgarsvæðisins.

Starfshlutfall er 100%. Unnið er á vöktum og vinnutíminn er 7:30-15:00 og 7.30-14.45 aðra hverja helgi.

Markmið starfsins er að nýta sértæka þekkingu til að útbúa matseðla og rétti fyrir sérfæði- og sjúkrafæði. Að miðla þekkingu við matreiðslu sérfæðis og aðstoða við matseld, undirbúning, frágang og þrif.

Kostur er ef viðkomandi getur hafið störf sem fyrst.

Helstu verkefni og ábyrgð

• Útbúa matseðla fyrir sérfæði- og sjúkrafæði
• Útbúa fjölbreytta rétti fyrir einstaklinga með fæðuofnæmi og/eða fæðuóþol
• Frágangur og þrif
• Miðla þekkingu við matreiðslu sérfæðis

Menntunar- og hæfniskröfur

• Matartæknanám
• Frumkvæði og sjálfstæði
• Góðir samskiptahæfileikar
• Reynsla af sambærilegu starfi

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.