Býtibúr framtíðarstarf – Hrafnista Hraunvangur

Hrafnista Hraunvangur í Hafnarfirði óskar eftir að ráða umsjónaraðila í býtibúr á hjúkrunardeildina Ölduhraun. Um fullt framtíðarstarf er að ræða. Unnið er alla virka daga í dagvinnu.

Helstu verkefni og ábyrgð:

• Umsjón með býtibúri
• Ábyrgð á mátmálstímum, frágangi og þrifum í býtibúri
• Veita íbúum aðstoð á matmálstímum og tryggja að íbúar fái einstaklingsmiðaða þjónustu
• Önnur tilfallandi verkefni sem tengjast býtibúri

Menntun og reynsla:

• Frumkvæði og sjálfstæði í starfi
• Framúrskarandi samskiptahæfileikar
• Reynsla af eldhús- eða þjónustustarfi kostur
• Íslenskukunnátta skilyrði

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.