Sjúkraþjálfari – Sjúkraþjálfunardeild Hrafnistu Reykjanesbæ

Sjúkra-og iðjuþjálfunardeild Hrafnistuheimilanna í Reykjanesbæ óskar eftir að ráða sjúkraþjálfara inn í teymið.

Afar spennandi tímar eru framundan í teyminu en Hrafnista Nesvöllum stækkar næsta haust úr 90 íbúa heimili í 140 íbúa heimili.

Um er að ræða spennandi starf sem býður upp á mikinn sveigjanleika og öfluga liðsheild ásamt mótun og þróun á starfinu.

Starfshlutfall er samkomulagsatriði.

Helstu verkefni og ábyrgð

• Greining, endurhæfing, þjálfunaráætlun og skráning
• Tekur þátt í skipulagningu endurhæfingar á deildum
• Ráðgjöf og umsóknir á hjálpartækjum
• Fræðsla fyrir íbúa og starfsfólk
• Teymisvinna

Menntunar- og hæfniskröfur

• Íslenskt starfsleyfi sem sjúkraþjálfari frá Landlæknisembættinu
• Góð hæfni í mannlegum samskiptum
• Góð skipulagshæfni
• Faglegur metnaður
• Jákvæðni og frumkvæði í starfi

Fríðindi í starfi

• Heilsuræktarstyrkur
• Samgöngustyrkur fyrir þau sem ferðast með strætó
• Námsleyfi og styrkir

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar –

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Nánari upplýsingar veitir Kristín Valborg Thomsen (kristin.thomsen@hrafnista.is).