 |
| | |  |
Þann 16. mars sl. voru 4 ár síðan Nesvellir voru opnaðir og að sjálfsögðu var haldin afmælisveisla. Boðið var upp á lambahrygg sem eldaður var inn á hverri einingu, svo að íbúarnir fengju að upplifa góðan matarilm, ásamt meðlæti og eftirrétt. Tónlist með Ragga Bjarna var svo skellt í tækið og saman áttum við ljúfa samverustund. Til gamans má nefna að af þeim 38 íbúum sem fluttu frá Garðvangi fyrir 4 árum þá eru 10 af þeim með okkur enn í dag.
Ólafur Haukur Magnússon, matreiðslumaður í eldhúsi Hrafnistu í Reykjavík, hefur starfað á Hrafnistu í 10 ár. Um leið og við óskum honum til hamingju með áfangann er honum þakkað fyrir gott starf og þá tryggð sem hann hefur sýnt heimilinu.
Á meðfylgjandi mynd eru frá vinstri: Pétur Magnússon forstjóri Hrafnistu, Harpa Gunnarsdóttir fjármálastjóri, Ólafur Haukur og Magnús Margeirsson yfirmaður eldhúsa Hrafnistuheimilanna.
María Guðbjörg Óladóttir, sjúkraliði á Bylgjuhrauni Hrafnistu í Hafnarfirði, hefur starfað á Hrafnistu í 15 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Ronald André Olguín González hefur verið ráðinn aðstoðarræstingarstjóri á Hrafnistu í Hafnarfirði.
Ronald er fæddur í Chile en hefur búið ásamt fjölskyldu sinni, eiginkonu og tveimur börnum á Íslandi í tvö ár. Hann er menntaður í alþjóðaviðskiptum en hefur starfað í ræstingunni hjá okkur í tæplega tvö ár og sinnt sérverkefnum.
Það var mikið um dýrðir á Hrafnistu í Reykjavík í gær þegar stórsöngvararnir Kristján Jóhannsson og Geir Ólafsson tróðu upp fyrir íbúa og gesti ásamt undirleikaranum Þóri Baldurssyni. Yfir 220 tónleikagestir hlýddu á söng þeirra félaga og voru yfir sig ánægðir með flutninginn.
Kristján og Geir gáfu vinnu sína til Hrafnistu og kunnum við þeim bestu þakkir fyrir þessa glæsilegu skemmtun og hlýhug til Hrafnistu.
Meðfylgjandi myndir voru teknar á tónleikunum í gær.
Svandís Svavarsdóttir, heilbrigðisráðherra, heimsótti Hrafnistu í Reykjavík fimmtudaginn 15. mars sl. Hún byrjaði á því að funda með framkvæmdaráði Hrafnistu þar sem skipulag og starfsemi Hrafnistu var kynnt og farið var yfir ýmis málefni hjúkrunarheimila og öldrunarþjónustu hér á landi almennt. Að þeim fundi loknum gaf ráðherrann sér góðan tíma til að skoða heimilið okkar í Laugarásnum og heilsa upp á íbúa og starfsfólk.
Meðfylgjandi eru myndir frá heimsókninni.
Á morgun, þriðjudaginn 20. mars, ætla þeir Geir Ólafsson og Kristján Jóhannsson að vera með tónleika í Skálafelli Hrafnistu Reykjavík kl. 13:15.
Aðgangur er ókeypis og allir velkomnir.
Sjá nánari auglýsingu með því að smella hér.
Þriðjudaginn 6. mars sl. komu krakkarnir á leikskólanum Stekkjarási í heimsókn á Hrafnistu í Hafnarfirði og sungu í Menningasalnum fyrir íbúa og starfsfólk. Það myndaðist gríðarlega góð stemmning sem endaði á því að Böðvar tók upp harmonikkuna og spilaði undir söng þar sem allir sungu saman. Við þökkum þessum skemmtilegu krökkum kærlega fyrir komuna.
Börnin sungu:
https://www.facebook.com/handverksheimili/videos/1987007654896444/
Allir sungu saman:
https://www.facebook.com/handverksheimili/videos/1987007801563096/
Kristín Helga Jónsdóttir, sjúkraliði á Báruhrauni Hrafnistu í Hafnarfirði, hefur starfað á Hrafnistu í 25 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Á meðfylgjandi mynd eru frá vinstri: Árdís Hulda Eiríksdóttir forstöðumaður Hrafnistu í Hafnarfirði, Anný Lára Emilsdóttir deildarstjóri á Báruhrauni, Kristín Helga og Pétur Magnússon forstjóri Hrafnistu.
Síða 102 af 175
