Fréttasafn

Sigrún Vilhjálmsdóttir 10 ára starfsafmæli á Hrafnistu

F.v. Sigrún Stefánsdóttir, Sigrún Vilhjálmsdóttir og Pétur.

 

Sigrún Vilhjálmsdóttir, hjúkrunarfræðingur á Lækjartorgi/Engey/Viðey Hrafnistu í Reykjavík, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

 

Á meðfylgjandi mynd eru frá vinstri: Sigrún Stefánsdóttir forstöðumaður Hrafnistu í Reykjavík, Sigrún og Pétur Magnússon forstjóri Hrafnistu.

 

 

Lesa meira...

Haustfagnaður Hrafnistu í Hafnarfirði föstudaginn 13. október

 

Haustfagnaður Hrafnistu í Hafnarfirði verður haldinn föstudaginn 13. október nk.

Miðasala fer fram í verslun á 1. hæð og lýkur um hádegi þriðjudaginn 10. október.

Ókeypis er fyrir heimilismenn og getur hver heimilismaður boðið einum einstakling með sér. Verð fyrir gest er kr. 4.000,- Ókeypis er fyrir gesti í dægradvöl

Meðlimir DAS klúbbsins greiða kr. 3.000.-

 

Sjónvarpað verður frá skemmtuninni, á Hrafnisturásinni, upp á deildar.

 

Sjá nánari auglýsingu með því að smella hér.

 

 

Lesa meira...

Rannsóknarsjóður Öldrunarráðs Íslands

 

Rannsóknarsjóður Öldrunarráðs Íslands auglýsir eftir umsóknum um styrk út sjóðunum. 

Umsóknarfrestur er til og með 10. október 2017.

Frekari upplýsingar veitir Anna Birna Jensdóttir, formaður stjórnar Öldrunarráðs. Fyrirspurnir sendist á netfangið This email address is being protected from spambots. You need JavaScript enabled to view it. 

 

Sjá nánari auglýsingu með því að smella hér.

 

 

 

Lesa meira...

Nanna Guðný gæðastjóri Hrafnistu í 1. sæti í samkeppni á milli Háskóla í Evrópu með meistaraverkefni sitt

 

Fyrir nokkru sögðum við frá því að Nanna Guðný Sigurðardóttir, gæðastjóri Hrafnistuheimilanna, hefði verið ein af fimm í úrslitum í samkeppni á milli Háskóla í Evrópu sem kenna sjúkraþjálfun með meistaraverkefni sitt í hreyfivísindum við Læknadeild Háskóla Íslands.  Verkefnið ber heitið: „Árangur 4-8 vikna þverfræðilegrar endurhæfingarinnlagnar fyrir aldraða.“

Hrafnista kynnir með stolti að  Nanna Guðný lenti í 1. sæti.

Til upprifjunar þá var meistaraverkefni Nönnu við Læknadeild Háskóla Íslands sent inn sem fulltrúi Háskóla Íslands í samkeppni á vegum European Network of Physiotherapy in Higher Education (ENPHE), sem námsbraut í sjúkraþjálfun við HÍ er aðili að. ENPHE er samstarfsnet háskóla í Evrópu sem kenna sjúkraþjálfun. Tilgangur samtakanna er að auka samstarf milli háskóla í Evrópu til að stuðla að gæðum í námi í sjúkraþjálfun, þróa kennsluhætti, auka þekkingu í sjúkraþjálfun og hvetja til kennara- og stúdentaskipta. Meistaraverkefni Nönnu fjallaði um árangur 4-8 vikna þverfræðilegrar endurhæfingarinnlagnar fyrir aldraða og var unnið á Hrafnistu í Reykjavík. Það verkefni var valið sem framlag Háskóla Íslands í verðlaunasamkeppni ENPHE um meistaraverkefni og lenti eins og áður segir í 1. sæti.

Nanna tók á móti verðlaunum á ENPHE ráðstefnunni http://enphe2017.com/sem haldin var á Hótel Sögu 21.-23. september síðastliðinn.

 

Innilega til hamingju Nanna!

 

Lesa meira...

Starfsfólk sem starfað hefur á Hrafnistu í 25 ár eða lengur heiðrað

 

Heiðursmóttaka fyrir starfsfólk sem starfað hefur á Hrafnistu í 25 ár eða lengur, og eru/voru í starfi á árinu 2017, fór fram á Björtuloftum í Hörpu föstudaginn 22. september sl.

Fjöldi starfsmanna sem heiðraður var að þessu sinni voru 43 talsins en þetta boð er haldið á þriggja ára fresti. Tveir starfsmenn úr þessum glæsta hóp náðu þeim merka áfanga að hafa starfað á Hrafnistu í 50 ár eða í heila öld samanlagt. Þetta eru þær Þórdís Hreggviðsdóttir og Guðlaug Sigurbjörnsdóttir.

Hrafnista leggur mikla rækt við mannauðinn og í hverjum mánuði er því starfsfólki sem náð hefur tilteknum starfsaldri afhent sérstakt viðurkenningarskjal ásamt starfsafmælisgjöf. Fyrsta starfsafmælisgjöfin er afhent eftir 3 ár í starfi, næsta eftir 5 ár og svo á 5 ára fresti eftir það.

 

Nánari umfjöllun má lesa á mbl.is með því að smella á linkinn hér fyrir neðan.

http://www.mbl.is/frettir/innlent/2017/09/23/heil_old_i_starfi_hja_hrafnistu/

 

Meðfylgjandi eru ljósmyndir frá móttökunni sem Hreinn Magnússon tók. 

Lesa meira...

Myndir frá haustfagnaði á Hrafnistu í Reykjavík 20. september

Haustfagnaður fór fram í Skálafelli Hrafnistu Reykjavík í gær, fimmtudagskvöldið 20. september. Veislustjórar voru þau Selma Björnsdóttir og Jógvan Hansen. Ræðumaður kvöldsins var Hálfdan Henrýsson, formaður Sjómannadagsráðs, og að borðhaldi loknu var slegið upp balli með Sighvati Sveinssyni.

Harmonikkuleikarar gengu á milli hjúkrunardeilda og spiluðu undir borðhaldi og var skemmtuninni úr Skálafelli sjónvarpað á Hrafnisturásinni í setustofum.

Það var samdóma álit heimilisfólks, gesta og starfsfólks að haustfagnaðurinn hafi heppnast með eindæmum vel. Þar sem skemmtileg veislustjórn, góður matur og léttur andi sveif yfir vötnum.

 

Meðfylgjandi eru ljósmyndir frá kvöldinu sem Hreinn Magnússon tók.

Lesa meira...

Síða 8 af 75

Til baka takki