Hrönn Benediktsdóttir ráðin deildarstjóri í borðsal Hrafnistu í Hafnarfirði.
Hrönn Benediktsdóttir hefur verið ráðin deildarstjóri í borðsal/eldhúsi Hrafnistu í Hafnarfirði.
Bjóðum Hrönn velkomna í stjórnendahóp Hrafnistu.
Hrönn Benediktsdóttir hefur verið ráðin deildarstjóri í borðsal/eldhúsi Hrafnistu í Hafnarfirði.
Bjóðum Hrönn velkomna í stjórnendahóp Hrafnistu.
Frá og með 28. júní verður aðalinngangur Hrafnistu í Hafnarfirði lokaður milli kl. 8:00 og 18:00. Þetta er gert til að auka öryggi á meðan framkvæmdum stendur fyrir ofan innganginn.
Vinsamlegast notið inngang í B húsi á meðan (suður inngangur).
Margrét M. Magnúsdóttir, hjúkrunarfræðingur á Miklatorgi Hrafnistu Reykjavík, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.
Forsetafrúin Eliza Reid heimsótti Hrafnistu Garðabæ-Ísafold í dag og heilsaði upp á íbúa Hrafnistu og gesti í dagdvöl.
Meðfylgjandi eru myndir frá heimsókninni.
Kvennahlaup fór fram á Hrafnistu í Garðabæ-Ísafold þann 18. júní sl. í sól og sumaryl.
Meðfylgjandi eru myndir úr hlaupinu.
Nú stendur yfir endurnýjun á þaki Hrafnistu í Hafnarfirði, stærsta öldrunarheimili landsins en heimilið hélt upp á 40 ára afmæli sitt á dögunum. Á heimilinu búa 214 manns en auk þess eru í húsinu 26 dagdvalarrými fyrir aldraða.
Um kl 11:30 í morgun kom upp smávægilegur eldur í þaki Hrafnistu í Hafnarfirði. Slökkvilið, sem er með starfsstöð í Skútahrauni, rétt við Hrafnistu, var komið á staðinn örstuttu síðar.
Verktaki þaksins var þá að mestu búinn að ráða niðurlögum eldsins sem kviknaði vegna viðhaldsframkvæmda þar. Í öryggisskyni var hluti hússins rýmdur í rúmlega 15 mínútur og gekk það ferli mjög vel.
Engin slys urðu á fólki og óverulegt tjón varð á húsnæði Hrafnistu en vatn rann niður á gang og nokkur reykjalykt var á efstu hæð.
Slökkviliði hefur nú farið með hitamyndavél yfir húsið og mun fylgjast með vettvangi í dag.
Dagleg starfsemi Hrafnistu í Hafnarfirði var því um hádegisbil komin í eðlilegt horf.
Hrafnista vill nota þetta tækifæri og þakka slökkviliði, lögreglu og starfsfólki Hrafnistu fyrir snörp og markviss vinnubrögð í þessum erfiðu aðstæðum. Jafnframt biðjum við íbúa Hrafnistu og aðstandendur þeirra velvirðingar á þeim óþægindum sem þeir kunna að hafa orðið fyrir.
Neyðarstjórn Hrafnistu
Í heimsókn Guðna Th. Jóhennessonar á Hrafnistu í Hafnarfirði afhenti Guðmundur Hallvarðsson, fyrrverandi formaður Sjómannadagsráðs, honum mynd af Guðna Thorlacius skipstjóra, sem var afi Guðna Th.
Myndin var teiknuð af syni Guðna skipstjóra, Ólafi Þór Thorlacius, árið 1966.
Við afhendinguna voru auk Guðmundar Hallvarðssonar, hjónin Kristjana Kristjánsdóttir og Guðni Sigurðsson.
Kristjana starfaði í Flataskóla á sama tíma og Jóhanna Thorlacius kennari, sem var mágkona Margrétar, eiginkonu Guðna skipstjóra.
Þegar Kristjana og Jóhanna eiga tal saman, kemur í ljós að Guðni Sigurðsson (eiginmaður Kristjönu) hafi verið í áhöfn Árvakurs, undir stjórn Guðna skipstjóra. Vegna þessa ákveður Jóhanna einhverju sinni að gefa Kristjönu myndina ef Guðni maður hennar myndi hafa gaman af.
Við flutninga fyrir nokkrum árum gefur Guðni Sigurðsson Sjómannadagsráði myndina af Guðna Thorlacius skipstjóra.
Þegar Guðni Th. Jóhannesson er kjörinn forseti var ákveðið að færa honum myndina að gjöf við gott tækifæri en Guðmundur Hallvarðsson, þáverandi formaður Sjómannadagsráðs og Guðni Sigurðsson, sigldu saman um tíma undir stjórn Guðna skipstjóra á Árvakri. Þetta góða tækifæri gafst semsagt í heimsókninni sl. miðvikudag.
Meðfylgjandi mynd er tekin við afhendinguna.
Frá vinstri eru: Guðmundur Hallvarðsson, Kristjana Kristjánsdóttir, Guðni Sigurðsson og Guðni Th. Jóhannesson.
Smá upplyfting hefur átt sér stað innanhúss á Hlévangi með kaupum á nýjum borðum og stólum. Gjöf frá Rebekkustúkunni Eldey var m.a. nýtt og keyptir nýjir sjónvarpsskenkar.
Á dögunum var haldin sumarhátíð á Hrafnistu í Kópavogi, með söng og harmonikkuspili fyrir hádegi. Vakin var athygli á heilbrigðari lífsstíl óháð aldri og boðið var upp á niðurskorna ávexti en einnig hákarl, þar sem það er gamalt hollustu nammi. Einnig voru gerðar léttar æfingar undir handleiðslu Erlu sjúkraþjálfara. Eftir hádegið voru svo settar niður kartöflur og grænmeti. Dagurinn endaði með því að boðið var upp á rjómapönnukökur.
Meðfylgjandi eru myndir úr söngstundinni.
Síða 119 af 175