Fréttasafn

Irina A. Prokhorova, félagsliði á Lækjartorgi/Engey/Viðey Hrafnistu í Reykjavík, hefur starfað á Hrafnistu í 10 ár. Um leið og við óskum henni til hamingju með áfangann er henni þakkað fyrir gott starf og þá tryggð sem hún hefur sýnt heimilinu.

Á meðfylgjandi mynd eru frá vinstri: Pétur Magnússon forstjóri Hrafnistu, Irina og Eygló Tómasdóttir deildarstjóri Lækjartorgi/Engey/Viðey. 

Sumargrill var haldið í hádeginu í dag á Hrafnistu Hlévangi Reykjanesbæ. Íbúar og starfsfólk snæddu úti í veðurblíðunni undir glimrandi harmonikkutónlist.

Í hádeginu í gær, mánudaginn 10. júlí, var haldin útigrillveisla fyrir íbúa og starfsfólk á Hrafnistu í Hafnarfirði. Um 400 veislugestir sleiktu sólina og röðuðu í sig dýrindis krásum undir harmonikkuspili Þórðar Marteinssonar. 

Á Hrafnistu hefur undanfarin 12 ár verið starfræktur golfklúbbur meðal starfsmanna.

Þann 7. júlí sl. fór fram árlegt golfmót í Hraunborgum í Grímsnesi.

Meðfylgjandi eru myndir frá golfmótinu.

Á hópmyndina vantar Ölmu Birgisdóttur.

Þessi skemmtilega mynd náðist af tveimur börnum sem busluðu í gosbrunninum við Hrafnistu í Hafnarfirði í veðurblíðunni um sl. helgi.  

Fimmtudaginn 29. júní síðastliðinn var haldið hið árlega púttmót Hrafnistu í Reykjavík og Hafnarfirði. Í þetta sinn voru Hafnfirðingarnir gestgjafar og er óhætt er að segja að hrollur hafi farið um þátttakendur áður en mótið var sett því töluverð rigning var fyrr um daginn. Þegar svo búið var að setja púttmótið lét sólin ekki á sér standa og hjálpaði til við að gera daginn ennþá ánægjulegri fyrir þátttakendur.

Skipulagning var til fyrirmyndar og Reykvíkingar þakka  kærlega fyrir sig.

Úrslitin á mótinu urðu þessi:

Karlar

Erlendur Þórðarson HR 1. sæti

Friðrik Hermannsson HH 2. sæti

Ragnar Jónasson HH 3. sæti

Konur

Vilborg Brynjólfsdóttir HR 1. sæti

Dýrleif Jónsdóttir HR 2. sæti

Erla Björgvinsdóttir HR 3. sæti

Steinunn Leifsdóttir, íþróttakennari á Hrafnistu í Reykjavík. 

Meðfylgjandi myndir eru frá mótinu.

Fasteignadeild Sjómannadagsráðs lauk nýverið við endurbætur á sjúkraböðum á Hrafnistu Hafnarfirði. Böðin voru upprunaleg í þessum hluta Hrafnistu, B-álmu sem byggð var árið 1982. Miklar breytingar hafa orðið á starfsseminni síðan þá og nauðsynlegt að fara í úrbætur. Endurbætur fólust í því að þremur sjúkraböðum á 2., 3. og 4. hæð var breytt, öll sjúkraböð fjarlægð, aðstaðan stækkuð, sturtur settar í stað baða og öll aðstaða íbúa og starfsfólks bætt.

Framkvæmdasjóður aldraðra styrkti framkvæmdirnar sem heppnuðust mjög vel.

Næstu daga ætlar Pétur Magnússon, forstjóri Hrafnistuheimilanna, að vera með myndasýningu frá ferðum sínum um  hálendi Íslands. Að þessu sinni ætlar hann að bjóða upp á myndasýningu frá Langasjó og fjallgarðinum Fögrufjöllum sem umlykja hann að hluta.

Pétur verður með myndasýninguna á eftirtöldum heimilum dagana 10. – 14. júlí nk.

-       Hrafnistu Nesvöllum mánudaginn 10. júlí kl. 13:30.

-       Hrafnistu Hlévangi mánudaginn 10. júlí kl. 14:30.

-       Hrafnistu í Hafnarfirði miðvikudaginn 12. júlí kl. 13:30.

-       Hrafnistu í Reykjavík föstudaginn 14. júlí kl. 13:00. 

Allir velkomnir.