Leit

social link

 

Bjarney Sigurðardóttir ráðin verkefnastjóri heilbrigðissviðs Hrafnistuheimilanna

Bjarney Sigurðardóttir
Bjarney Sigurðardóttir

Bjarney Sigurðardóttir hefur verið ráðin í starf verkefnastjóra heilbrigðissviðs Hrafnistuheimilanna.

Um er að ræða nýtt starf innan heilbrigðissviðs Hrafnistu.

Bjarney mun í samvinnu við framkvæmdastjóra heilbrigðissviðs bera ábyrgð á samræmingu og samþættingu á heilbrigðisþjónustu innan Hrafnistuheimilanna, ásamt innleiðingu og framkvæmd á samræmdri stefnu Hrafnistu. Hún mun einnig taka þátt í stefnumótun, markmiðasetningu og áætlanagerð sem snýr að Heilbrigðissviði Hrafnistu.

Eitt af mörgum verkefnum Bjarneyjar mun vera að taka við sem sýkingavarnastjóri Hrafnistuheimilanna af Þóru Geirsdóttur.

Bjarney er hjúkrunarfræðingur að mennt með áralanga reynslu af hjúkrun og stjórnun, bæði sem deildarstjóri og forstöðumaður. Hún hefur mikla reynslu af innleiðingu verkefna og eftirfylgni, rekstri, gæðastarfi og fleiru sem á eftir að efla heilbrigðissvið Hrafnistu í þjónustu við deildir og aðra starfsemi Hrafnistuheimilanna.

Bjarney mun hefja störf 1. september 2017.

 

 

Til baka takki

Banners neðst á forsíðu 1

Happdrætti DAS