Á dögunum var haldin sumarhátíð á Hrafnistu í Kópavogi, með söng og harmonikkuspili fyrir hádegi. Vakin var athygli á heilbrigðari lífsstíl óháð aldri og boðið var upp á niðurskorna ávexti en einnig hákarl, þar sem það er gamalt hollustu nammi. Einnig voru gerðar léttar æfingar undir handleiðslu Erlu sjúkraþjálfara. Eftir hádegið voru svo settar niður kartöflur og grænmeti. Dagurinn endaði með því að boðið var upp á rjómapönnukökur.
Meðfylgjandi eru myndir úr söngstundinni.