Heimilisfólk og starfsfólk Sjávar- og Ægishrauns fékk langþráðan draum uppfylltan í gær þegar páfagaukurinn Stebbi flutti til þeirra. Uppáhalds söngvari Hjördísar deildarstjóra er Stefán Hilmarsson og kom því ekkert annað nafn til greina á elsku fallega páfagaukinn en Stebbi. Þau voru svo heppin að fá gefins búr fyrir hann og nú situr Stebbi á priki í búrinu sínu og horfir aðdáunaraugum á allt heimilisfólkið okkar sem er að líta til hans og aðeins að flauta fyrir hann. Nokkrir hafa haft það á orði í dag að Stebbi þurfi að eignast vinkonu í búrið en ákveðið hefur verið að gera Stebba að dekurdýri og hann ætlar bara að vera einn í stóra búrinu sínu.

Myndir og texti: Hjördís Ósk Hjartardóttir