Í gær, fimmtudaginn 14. janúar, opnaði Guðbjörg Sigrún Björnsdóttir vinningshafi í jólakortasamkeppni Hrafnistu 2015 glæsilega myndlistarsýningu í Menningarsalnum á 1. hæð og kaffihúsinu á Hrafnistu í Hafnarfirði við hátíðlega athöfn. Böðvar Magnússon hafði umsjón með viðburðinum og Guðmundur Ólafsson söng fyrir viðstadda. Sýningin stendur yfir næstu vikur og hvetjum við alla til að koma og sjá þessi fallegu verk og skrifa nafn sitt í gestabókina sem staðsett er í Menningarsalnum.