Frá og með 1. febrúar 2020 er Hulda Sigurveig Helgadóttir nýr verkefnastjóri á heilbrigðissviði Hrafnistuheimilanna. Hulda er með BS gráðu í viðskiptafræði og hefur nýlokið meistaranámi í Forystu og stjórnun með áherslu á verkefnastjórnun við Háskólann á Bifröst. Hún hefur starfað á Hrafnistu frá árinu 2011, fyrst á launadeild og í gæða- og fræðslumálum en síðustu sex ár hefur hún starfað á skrifstofu Hrafnistu í Laugarási.