Góðir gestir heimsóttu dagþjálfunardeildina Viðey á Hrafnistu Laugarási í vikunni þegar nokkrir galvaskir aðilar frá Slökkviliðinu á höfuðborgarsvæðinu kíktu við. Tilefni heimsóknarinnar var að veita formlega viðtöku á böngsum sem gestir okkar í dagþjálfun hafa unnið hörðum höndum við að prjóna fyrir þau börn sem eru svo óheppin að lenda í sjúkrabíl, en þau börn fá einn bangsa að gjöf frá okkar fólki.