Söngkonan Sólveig Sigurðardóttir söng eins og engill í helgistundinni á Hrafnistu Laugarási síðastliðinn miðvikudag. Heimilisfólkið hreyfst af fallegum söng, þegar hún söng Ave María eftir Gomez og fallega lagið Friðarins Guð eftir Árna Thorsteinsson tónskáld. Sólveig er komin af tónlistarfólki og spilaði móðir hennar Kristín Jóhannesdóttir organisti undir á flygilinn.

Sólveig er menntuð í klassískum söng og hefur fjölbreytta reynslu í tónlistinni, kennir söng og er kórstjóri. Einnig spilar hún á píanó, orgel og óbó.