Núna nýverið tók til starfa nýr „starfsmaður “ á deild iðjuþjálfunar á Hrafnistu Hraunvangi í Hafnarfirði en það er hún Þruma,12 vikna Schnauzer tík, sem mun verða „aðstoðarmaður“ og taka þátt í starfi iðjuþjálfa á hjúkrunardeildinni Ölduhrauni. Eigandi hennar er Geirlaug Oddsdóttir og er hún iðjuþjálfi á þeirri deild. Þruma hefur vakið ómælda lukku og gleði meðal heimilismanna og starfsmanna og er hvers manns hugljúfi.