Hið árlega sumargrill Hrafnistu Nesvalla var haldið í hádeginu í dag. Þó að sú gula hafi mætt eins og búið var að panta þá var of kalt til að vera utandyra og því var partýið flutt í sal þjónustumiðstöðvarinnar. Um 130 manns mættu í gleðina og var met þátttaka hjá íbúum hjúkrunarheimilisins en 45 íbúar af 60 mættu í partýið. Það var Múlakaffi sem grillaði dýrindis lambakjöt og kjúkling fyrir gesti. Eldhús Hrafnistu sá um allt meðlæti og boðið var upp á ís í eftirrétt. Bandið Heiður spilaði og söng fyrir gesti og hélt uppi miklu stuði. Virkilega skemmtileg samverustund.